تاجىك قىزى ا ق ش- تاعى سۇلۋلىق بايقاۋىنىڭ فينالىندا باق سىنايدى

استانا. قازاقپارات - تاجىك قىزى شاحنوز ەرونشو «ب ۇ ۇ ارۋى-2016» بايقاۋىنىڭ فينالىنا شىقتى دەپ حابارلايدى centralasian.org.

نيۋ-يورك قالاسىندا ءوتىپ جاتقان سۇلۋلىق بايقاۋىنىڭ ناتيجەسى 12- تامىزدا بەلگىلى بولادى. بايقاۋ جىل سايىن ءتۇرلى ەلدەر مەن مادەنيەتتەردىڭ وكىلدەرى اراسىندا وتكىزىلەدى. شاحنوز ا ق ش- تا تۇرىپ جاتىر، ول بەينەلەۋ ونەرى جونىندەگى نيۋ-يورك كوللەدجىن بىتىرگەن.

شاحنوز دۋشانبەدە دۇنيەگە كەلگەن، 18 جاسقا دەيىن رەسەيدە تۇرعان، سوسىن امەريكاعا وقۋعا كەتكەن. بيىل ول تاريحي وتانىنىڭ اتىنان ب ۇ ۇ سۇلۋلىق بايقاۋىنا قاتىسقاندى ءجون كوردى.

ايتا كەتەرلىك جايت، سۇلۋلىق بايقاۋىن 2011-جىلى تاجىكستان ارۋى نيلۋفار شەرزود جەڭىپ العان ەدى.