عالىم شويكين: «ساداقا» بانكوماتتارىنىڭ كوبى جۇمىس ىستەمەيدى
«قازىر الەۋمەتتىك جەلى مەن ينتەرنەت سايتتاردا ارمان شورايەۆتىڭ قازاقستان مۇسىلماندارى ءدىني باسقارماسىنىڭ اتىنا ايتىلعان پىكىرى قىزۋ تالقىلانىپ جاتىر. بالكىم، ارمان شورايەۆتىڭ سىن ايتۋىنا ءبىرقاتار نەگىز بار شىعار. ءمۇفتيات ارمان كوتەرگەن ماسەلەلەرگە قاتىستى ءوز جاۋابىن بەردى. مەن وسى ەكى تاراپتىڭ بىرەۋىن قولدايىن دەپ وتىرعام جوق، تەك ەكى تاراپتىڭ اراسىنداعى داۋ بارا- بارا ناقتىلىعىن جوعالتىپ، ءبىر- ءبىرىن قارالاۋعا دەيىن بارىپ جاتقاندىقتان، ءبىرقاتار ماسەلەلەرگە تۇسىنىكتەمە بەرگەنىم ماڭىزدى دەپ سانادىم. قۇر داۋ- داماي مەن قاتتى قۇرمەتتەيتىن ارمان شورايەۆ كوتەرگەن ماسەلەلەردى شەشە المايدى. سوندىقتان، ءمۇفتياتقا كىنا ارتۋدان گورى، ونىڭ قىزمەتىندەگى پروبلەمالاردى شەشۋ ءۇشىن بىرلەسە كۇش جۇمساعانىمىز دۇرىس بولار. ءوز قىزمەتىمە بايلانىستى، ەلىمىزدەگى ءدىني بىرلەستىكتەرمەن تىعىز جۇمىس ىستەينىتىمدى ەسكەرسەك، ءمۇفتيات سوڭعى 2-3 جىل ىشىندە قوعامعا كەرەك باعىت بويىنشا بەلسەندى جۇمىس ىستەي باستاعانىن ايتا كەتكىم كەلەدى» ، - دەگەن ءسوزىنىڭ باسىندا كوميتەت ءتوراعاسى.
«ءمۇفتياتتىڭ قارجىلاي اشىقتىعىن كورسەتۋ ءۇشىن، 2015 -جىلى ءدىن ىستەرى كوميتەتىنىڭ ۇسىنىسى بويىنشا استانانىڭ ءۇش مەشىتىندە ساداقاعا ارنالعان 8 بانكومات ورناتىلعان ەدى. الايدا، وكىنىشكە قاراي، حالىققا ءتۇسىندىرۋ جۇمىستارى جوق بولعاندىقتان، سونداي- اق، تەحنيكانىڭ قىمباتتىعىنان، ولاردىڭ كوبى جۇمىس ىستەپ تۇرعان جوق» ، - دەگەن ع. شويكين.
ءدىن ىستەرى كوميتەتىنىڭ ءتوراعاسى ءمۇفتياتقا مەرزىمدى باسىلىم مەن سايتتاردا قارجىلىق قىزمەتى جايلى ەسەپتەرىن جاريالاپ وتىرۋدى ۇسىندى.
اۆتور: كەنجەكەي توقتامۇرات قىزى
