ءتورت ايەل تۋرالى ءتامسىل
ءۇشىنشى ايەلى تەڭدەسسىز سۇلۋ بولعاندىقتان، وعان دا ىقىلاسى ەرەكشە بولىپ، جانىنان تاستاماي ەرتىپ جۇرەدى. وزگەلەر قىزىعا قاراعاندا، مارقايىپ قالادى. ايتسە دە، سۇلۋ كەلىنشەگىم كۇندەردىڭ ءبىر كۇنىندە مەنى تاستاپ كەتپەس پە دەگەن ۇرەيمەن ءومىر ءسۇرىپتى.
سۇلتاننىڭ ەكىنشى ايەلى ايلاسى مەن اجارى تەڭ ءارى سابىرلى، دانىشپان بولىپتى. جۇبايى قانداي جاعداي بولسا دا، ونىمەن اقىلداسىپ شەشەدى ەكەن. ايەلى ايتقانى اينىماي كەلىپ، شەشىلمەيتىن ءتۇيىن قالدىرمايدى.
ال ءبىرىنشى ايەلى وزگەلەرىنەن ەرەسەك ەكەن. ول سۇلتانعا اسا ادال بولادى، بار جۇرەگىمەن بەرىلىپ سۇيەدى. وكىنىشكە وراي، سۇلتانعا دەگەن شەكسىز ماحابباتىنا ونداي جاۋاپ الا المايدى. سۇلتان وعان بەيجاي قارايدى.. .
كۇن ارتىنان كۇن ءوتىپ، سۇلتان دەرتكە شالدىعادى. تورىنەن كورى جاقىن ەكەنىن سەزگەن ول ايەلدەرىن كەزەك- كەزەك شاقىرىپ الىپ، باقۇلداسادى.
الدىمەن ءوزى اسا جاقسى كورەتىن ءتورتىنشى ايەلىن شاقىرادى.
- ولاي- بۇلاي بوپ كەتسەم، سەن مەنىمەن ماڭگىلىك ساپارعا بىرگە اتتاناسىڭ با؟ - دەيدى.
- مۇندايدى ويىڭا دا الما، - دەپ ەسىكتەن سىتىلىپ شىعىپ كەتەدى.
ءۇشىنشى ايەلىنە ءومىر بويى ونى ماقتان تۇتىپ، كوركىنە ءتانتى بوپ وتكەنىن ايتقاندا دا، ول دا ءۇزىلدى- كەسىلدى باس تارتادى:
- مەنىڭ ءومىرى الدا، بولاشاقتا وزىمە وزگە جار تابارمىن، - دەپ ناۋقاس جۇرەكتى ودان سايىن سىزداتادى.
ەكىنشى ايەلىنەن سۇراعاندا، ول دا:
- مەن سەنىمەن و دۇنيەگە اتتانا المايمىن. وسى كەزگە دەيىن اقىلشىڭ بولدىم، ەندى اقتىق ساپارعا ابىرويمەن شىعارىپ سالۋ عانا قولىمنان كەلەدى، - دەگەن ەكەن.
ول ەسىكتەن شىعا بەرگەندە:
- مەن سەنىمەن قايدا بولسا دا بىرگە بارۋعا دايىنمىن، ءاردايىم جانىڭنان تابىلامىن، - دەگەن داۋىستى ەستيدى. مۇنى ايتقان، ارينە، ءبىرىنشى ايەلى ەدى. ول ەرىنىڭ ناۋقاسىنا قايعىرىپ، ءوزى دە ازىپ- توزىپ كەتكەن ەكەن. بۇل قىلىعىنا تاڭعالعان سۇلتان وزەگىن وكىنىش ورتەپ:
- امان كەزىمدە باسقالارعا قاراعاندا، ساعان كوبىرەك كوڭىل ءبولۋىم كەرەك ەدى، - دەيدى.
بۇل ءتورت ايەل ءبىزدىڭ بارلىعىمىزدا بار. ءتورتىنشىسى - دەنەمىز. قانشا جەردەن ادەمى بولعانىمەن، جاقسى كورىنگىمىز كەلگەنىمەن، ونىڭ ەش پايداسى جوق. ويتكەنى ول سىمبات بىزبەن بىرگە و دۇنيەگە بارمايدى.
ءۇشىنشى ايەل - قىزمەت، مانساپ جانە اقشا. ءبىزدىڭ ومىرىمىزدەن كەيىن ولاردىڭ بارلىعى باسقالارعا قالادى.
ەكىنشى ايەل - وتباسى مەن جاقىندارىمىز. ولار ءومىر بويى بىزگە كومەكتەسىپ، قامقورشى بولادى، ءبىراق ءبىز و دۇنيەلىك بولعاندا جاقىندارىمىز ءبىزدى بەيىتكە دەيىن عانا شىعارىپ سالادى.
ال سوڭعىسى، ياعني ءبىرىنشى ايەل - ءبىزدىڭ جانىمىز. بايلىق، باقىت، اقشا، مانساپ، راقاتقا بولەنۋ جولىندا جانىمىزدىڭ جايىن ۇمىتىپ، بارىنە دە بارامىز. وسىعان قاراماستان، تەك جانىمىز عانا ءاردايىم بىزبەن بىرگە بولادى. سوندىقتان ونى اركەز ءبىرىنشى ورىنعا قويىپ، قورعاپ ءجۇرۋدى ۇمىتپاڭىزدار. بۇل ومىردە بىزگە بەرىلگەن ەڭ ۇلكەن سىي - جانىمىز. وعان كوڭىل ءبولىپ، قامقور بولايىق.
massaget.kz
