ماڭعىستاۋ وبلىسىندا جولاۋشىلار اۆتوبۋسى تۇتاستاي جانىپ كەتتى - كەسكىن

استانا. قازاقپارات - اقتاۋ-جاڭاوزەن تاس جولىنىڭ 44 شاقىرىمىندا «كاۆز» ماركالى اۆتوبۋسى وتقا وراندى.

بۇل تۋرالى ماڭعىستاۋ وبلىسى ت ج دەپارتامەنتى حابارلادى.

14:47 دە ماڭعىستاۋ وبلىسى ت ج د ءورت ءسوندىرۋ قىزمەتىنىڭ كەزەكشى بولىمىنە ءورت تۋرالى حابارلاما كەلىپ تۇسكەن. اۆتوبۋستا تەك قانا جۇرگىزۋشى بولعان. ت ج دەپارتامەنتىنىڭ حابارلاۋىنشا، ول قاۋىپسىز جەرگە شىعىپ ۇلگەرگەن.

«وقيعا ورنىنا مۇنايلى اۋدانىنىڭ 5№ ءورت ءبولىمى بريگاداسى كەلدى. قىزمەتكەرلەر ءورتتى ءوشىردى، ءبىراق اۆتوبۋس تۇتاس ورتەنىپ كەتكەن»، - دەپ حابارلادى ماڭعىستاۋ وبلىسى ت ج د كەزەكشى ءبولىمى.

اۆتوبۋس «ماڭعىستاۋ مۇناي گاز» كومپانياسىنا تيەسىلى بولعان. ول كەن ورنىنان جۇمىسشىلاردى الىپ كەتۋ ءۇشىن جەتىباي اۋىلىنا باعىت العان، دەپ جازادى lada.kz.

ءورتتىڭ شىعۋ سەبەپتەرى انىقتالۋدا، دەيدى ماڭعىستاۋ وبلىسى ت ج دەپارتامەنتى.