قازاقستان اسكەريلەرى ۇلىبريتانياداعى بىتىمگەرشىلەر وپەراتسياسىنا قاتىستى
ق ر قورعانىس مينيسترلىگىنىڭ باسپا ءسوز قىزمەتى حابارلاۋىنشا، قازاقستان، ۇلى بريتانيا، ا ق ش، تاجىكستان مەن قىرعىزستاننىڭ اسكەري قىزمەتشىلەرى ءبىر بىرلەسكەن وپەراتسيانى وتكىزۋ ءۇشىن بىرىكتى. قاتىسۋشىلار بىرنەشە توپقا ءبولىندى. سەناري بويىنشا نەگىزگى تاپسىرمالار - ول ىزگىلىك كومەك كورسەتۋدى ۇيىمداستىرۋ بويىنشا ءىس-شارالار، شەكارا باقىلاۋى، قوعامدىق تارتىپسىزدىككە دەن قويۋ. شارتتارى - شىنايىعا بارىنشا جاقىنداتىلعان.
«دالا قىرانى-2016» وقۋ-جاتتىعۋىنا قاتىساتىن شامامەن 650 اسكەري قىزمەتشى ءۇشىن بۇل اپتا وسىنداي احۋالدىق ۇيرەتەتىن جاتتىعۋلاردا جۇمىس جاساۋمەن ەستە قالدى. سەناري بەيبىتشىلىك پەن قاۋىپسىزدىكتى قولداۋ جونىندەگى شىنايى بىتىمگەرشىلىك وپەراتسيالار تاجىريبەسىندە نەگىزدەلگەن. جالپى العاندا، وقۋ-جاتتىعۋدىڭ نەگىزگى تاپسىرمالارى بەيبىتشىلىكتى قولداۋ، جۇكتەردى ايداۋىلداۋ، باقىلاۋ-وتكىزۋ پۋنكتتەرىندە جۇمىس جاساۋ بويىنشا وپەراتسيالاردىڭ بارلىق اسپەكتىلەرى مەن ەرەكشەلىكتەرىن پىسىقتاۋدان تۇرادى. ەستەرىڭىزگە سالا كەتەيىك، ەلىمىزدىڭ قارۋلى كۇشتەرىنەن «دالا قىرانى» وقۋ-جاتتىعۋىنا قازاقستاندىق «قازبريگ» بىتىمگەرشىلىك بريگاداسى قاتىسادى. قازىرگى ۋاقىتتا ب ۇ ۇ بەيبىتشىلىكتى قولداۋ جونىندە 16 وپەراتسيانى جۇزەگە اسىرىپ جاتقانىن ايتا كەتكەن ءجون.
بەيبىتشىلىك پەن قاۋىپسىزدىكتى قولداۋ جونىندەگى ەكى ميسسيادا باتىس ساحاراسى (MINURSO) مەن كوت- د'يۆۋاردا (UNOCI) اسكەري باقىلاۋشىلار رەتىندە ق ر ق ك- ءنىڭ ءتورت اسكەري قىزمەتشىسى قىزمەت اتقارىپ جاتىر. تاعى دا جەتى وفيتسەرىمىز ميسسيادان ورالىپ ۇلگەردى.
