قازاقستان، رەسەي، بەلارۋس جانە قىتايدىڭ اسكەري قىزمەتشىلەرى «اسپان كىلتى» بايقاۋىندا باق سىناسادى
قازاق اسكەرلەرى رەسەيدىڭ استراحان وبلىسىنداعى «اشۋلۋك» پوليگونىندا 30- شىلدە مەن 7- تامىز ارالىعىندا «ارمي-2016» شەڭبەرىندە وتەتىن زەنيتتىك-زىمىران اسكەرلەرىنىڭ جاۋىنگەرلىك ەسەپ توپتارى اراسىنداعى «اسپان كىلتى» بايقاۋىنا العاش رەت قاتىسادى.
سايىس كوزتارتارلىق، سونىمەن بىرگە، ەداۋىر كۇردەلى بولماق. 4 قاتىسۋشى ەل - قازاقستان، رەسەي، قىتاي، بەلارۋس جانە 6 بايقاۋ كەزەڭى. وندا ءاربىر ەسەپ توپ وزدەرىنىڭ نورماتيۆتەرىن ورىندايدى. قاتىسۋشىلار كوپ ءوستى شاسسي جۇرگىزۋشىلەرىنىڭ سايىسى، زەنيتتىك-باسقارىلاتىن زىمىرانداردى ىسكە قوسۋ قۇرىلعىسىن زاريادتاۋ، ورىندى قايتا الماستىرۋ كەزىندە اۋە شابۋىلىنا قارسى ۇرىستى جۇرگىزۋ مەن ءىس-قيمىلدار سەكىلدى سىنداردان وتەدى.
10216 اسكەري ءبولىمى كومانديرىنىڭ ورىنباسارى (باس ينجەنەر) پودپولكوۆنيك دميتريي شيەۆچەنكونىڭ ايتۋىنشا، نىسانالار بويىنشا جاۋىنگەرلىك تۇسىرۋلەر ايقىنداۋشى بولادى. «بارلىعى ەسكەرىلەدى، جۇرگىزۋ، زىمىرانداردى قايتا جۇكتەۋ، ەسەپ توپتىڭ تەحنيكانى جاۋىنگەرلىك ازىرلىكتىڭ ءارتۇرلى دارەجەلەرىنە كەلتىرە الۋ شەبەرلىگى، جورىقتىق، جاۋىنگەرلىك. ءبىراق، سايىس جاۋىنگەرلىككە بارىنشا جاقىنداتىلعان، ول نىسانالار بويىنشا جاۋىنگەرلىك تۇسىرۋلەر»، - دەدى ول. قاتىسۋشىلار رەسەي تاراپىمەن ۇسىنىلاتىن س-300پ س قوندىرعىلارىندا سايىسادى.
«ءبىز زىمىرانداردىڭ جاۋىنگەرلىك تۇسىرۋلەرىمەن مەرزىمدى تۇردە تاكتيكالىق وقۋ-جاتتىعۋلار وتكىزىپ تۇرامىز. سوندىقتان، ءبىزدىڭ ەسەپتوپتار ءازىر. بۇل تۇرعىدا بارلىعى كەرەمەت. ءبىزدىڭ كوماندا ءتيىستى دايىندىقتان ءوتتى، جوعارى ناتيجەلەر كورسەتەمىز دەپ ۇمىتتەنەمىز»، - دەيدى د. شيەۆچەنكو اتاپ ءوتتى.
قازاقستاندا حالىقارالىق بايقاۋدا ۇسىناتىن ۇزدىك كوماندانى جيناۋ ءۇشىن بىرنەشە كەزەڭدەردەن تۇراتىن ىرىكتەۋ ۇيىمداستىرىلدى. ق ر ق ك- ءنىڭ ءارتۇرلى اسكەري بولىمدەرىنىڭ 80 اسكەري قىزمەتشىسىنىڭ ىشىنەن ەڭ الدىمەن 30، ال سودان كەيىن 18 اناعۇرلىم دايىندالعان اسكەري قىزمەتشى ىرىكتەلدى. سايىسقا العاش رەت قاتىسۋشى اسكەري قىزمەتشىلەر مەن كوماندالاردىڭ جاقسى دايىندىعى باعالانىپ، قىزۋ باسەكە بولادى دەپ كۇتۋدە.
