پوليتسەيگە قول كوتەرگەن قوستانايلىق ەكى جىلىن تەمىر توردىڭ ار جاعىندا وتكىزەدى
33 جاستاعى قوستانايلىق بيلىك وكىلىنە قاتىستى كۇش قولدانۋ بويىنشا ايىپتى دەپ تانىلدى.
قوستاناي وبلىستىق سوتىنان حابارلاعانداي، ءىس ماتەريالدارى بويىنشا، اعىمداعى جىلدىڭ 23 -ساۋىرىندە ساعات 06.00 چولويان ماس كۇيىندە «Porsche Cayenne Turbo S» ماركالى اۆتوكولىگىن باسقارا وتىرىپ، قوزعالىستى توقتاتۋدى تالاپ ەتكەن جول-پاترۋلدىك پوليتسيا قىزمەتكەرلەرىن ەلەمەي، جول جيەگىنە سوعىلادى. ودان كەيىن، جۇرگىزۋشى كۋالىگىن جانە جەكە باسىن كۋالاندىراتىن قۇجاتتارىن ۇسىنۋدان باس تارتقاندىقتان، ستاتسيونارلىق پوستقا جەتكىزىلدى. قىزمەتتىك اۆتوكولىكتىڭ سالونىندا وتىرىپ، جەكە تۇلعاسىن انىقتاۋ بارىسىندا، چولويان، جاۋاپكەرشىلىكتەن كەتۋگە جانە ءىزىن سۋىتۋعا تالپىندى، پوليتسيا قىزمەتكەرلەرىنە قوقان-لوققى كورسەتە باستادى. ودان كەيىن پوليتسيا قىزمەتكەرىنىڭ ءبىرىنىڭ بەتىنەن ۇرعان.
سوت ۇكىمىمەن چولويان ايىپتى دەپ تانىلدى جانە ونىڭ بوستاندىعى 2 جىل مەرزىمگە شەكتەلدى.
