قاراعاندىدا سىبايلاس جەمقورلىقپەن كۇرەس ماسەلەسى تالقىلاندى

استانا. قازاقپارات - قاراعاندى قالاسىندا سىبايلاس جەمقورلىققا قارسى ءىس- قيمىل جونىندەگى كەڭەستىڭ وڭىردەگى باسشىلارىمەن پارتيا حاتشىسى ق. جۇماشەۆتىڭ، سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەس ءتوراعاسىنىڭ ءبىرىنشى ورىنباسارى و. ابدىكارىموۆتىڭ، قاراعاندى وبلىستىق پارتيا فيليالىنىڭ ءتوراعاسى ك. وسپانوۆتىڭ، سونداي-اق، باس پروكۋراتۋرا، مەملەكەتتىك قىزمەت جونىندەگى مينيسترلىك، سىبايلاس جەمقورلىققا قارسى ءىس- قيمىل جونىندەگى ۇلتتىق بيۋرو ت. ب. وكىلدەرىنىڭ قاتىسۋىمەن رەسپۋبليكالىق ەكى كۇندىك سەمينار- كەڭەسى وتۋدە.

كەڭەستى قاراعاندى وبلىسىنىڭ اكىمى نۇرمۇحامبەت ابدىبەكوۆ اشتى، دەپ حابارلايدى nurotan.kz.

«نۇر وتان» پارتياسىنىڭ XVI سەزىندە مەملەكەت باسشىسى، پارتيا ءتوراعاسى نۇرسۇلتان نازاربايەۆ ەلىمىزدى ودان ءارى دامىتۋ ءۇشىن «بەس ينستيتۋتتسيونالدىق رەفورما» ۇسىنعانى ءمالىم. قازاقستاننىڭ الەمدەگى ەڭ دامىعان 30 ەلدىڭ قاتارىنا قوسىلۋىنا مۇمكىندىك تۋعىزاتىن بۇل رەفورمانى ىسكە اسىرۋ ءۇشىن «100 ناقتى قادام - ۇلت جوسپارى» قابىلدانعانى بەلگىلى. الايدا مەملەكەتتىك اپپاراتتاعى، ەكونوميكا مەن الەۋمەتتىك سالاداعى سىبايلاس جەمقورلىقتىڭ الدىن الماي اتالعان رەفورمانى جۇزەگە اسىرۋ مۇمكىن ەمەس.

وسىعان وراي، جەمقورلىققا قارسى مادەنيەت پەن وعان قوعامنىڭ اتىمەن توزبەۋشىلىگىن قالىپتاستىرۋعا عانا ەمەس، سونداي- اق، ازاماتتىق قوعام ينستيتۋتتارىنىڭ سىبايلاس جەمقورلىققا قارسى ءىس- قيمىلعا قاتىسۋ مۇمكىندىگىن زاڭنامالىق تۇرعىدان قامتاماسىز ەتۋگە باعىتتالعان «نۇر وتان» پارتياسىنىڭ 2015-2025 -جىلدارعا ارنالعان سىبايلاس جەمقورلىققا قارسى ءىس- قيمىل باعدارلاماسىنىڭ ماڭىزى زور.

«نۇر وتان» پارتياسى فيليالى جانىنداعى سىبايلاس جەمقورلىققا قارسى ءىس- قيمىل جونىندەگى قوعامدىق كەڭەستەر مەن پارتيالىق باقىلاۋ كوميسسيالارى، سونداي- اق، پارتيالىق باقىلاۋ بويىنشا ينسپەكتورلار وڭىرلەردەگى سىبايلاس جەمقورلىققا قارسى ءىس- قيمىل جونىندەگى پارتيانىڭ ءتيىمدى قۇرىلىمدارى بولىپ تابىلادى.

جيىن بارىسىندا كەڭەس جۇمىسىندا وڭىرلەردەگى جەمقورلىققا قارسى ءىس- قيىلدى ۇيىمداستىرۋعا كەرى ىقپالىن تيگىزەتىن ءبىرقاتار ماسەلەلەردىڭ بار ەكەنى اتاپ ءوتىلدى.

اتاپ ايتساق، سىبايلاس جەمقورلىققا قارسى ءىس- قيمىل جونىندەگى رەسپۋبليكالىق قوعامدىق كەڭەس ءتوراعاسىنىڭ ءبىرىنشى ورىنباسارى ورالباي ابدىكارىموۆتىڭ ايتۋىنشا، جەمقورلىققا قارسى ءىس- قيمىل باعدارلاماسىنىڭ ورىندالۋىنىڭ ناتيجەسىنە زەرتتەلگەن وڭىرلەردەگى، سونداي- اق تۇتاستاي العاندا ەلدەگى بولىپ جاتقان بارلىق قوعامدىق ۇدەرىستەرگە تيەسىلى پارتيالىق ىقپالدىڭ بولماۋى اسەر ەتۋدە.

«باعدارلاما مىندەتتەرىنىڭ اۋقىمدىلىعىن تۇسىنبەۋ، ءبىزدىڭ جۇمىسىمىزعا قوعامنىڭ ءجوندى تارتىلماۋى، ەڭ باستىسى - ءفورماليزمنىڭ ەتەك الىپ، ادامداردىڭ ماسەلەلەرىنە نەمقۇرايلى قاراۋدىڭ سالدارىنان ءجوندى ناتيجە بولماي، پارتيالىق جۇمىستىڭ تيىمدىلىگى تومەندەپ بارادى. رەسپۋبليكامىزداعى پارتيالىق ۇيىمدارعا جەمقورلىققا توزبەۋشىلىك احۋالدى قالىپتاستىرۋدا جانە ونىڭ كورىنىسىمەن ەمەس، سالدارىمەن كۇرەسۋدە جۇيەلىلىك، ۇستانىمدىلىق جەتىسپەيدى»، - دەپ اتاپ ءوتتى سويلەگەن سوزىندە ورالباي ابدىكارىموۆ.

سەمينار- كەڭەستىڭ قورىتىندىسى بويىنشا وڭىرلەردەگى جەمقورلىققا قارسى قوعامدىق كەڭەستەردىڭ، 2015-2025 -جىلدارعا ارنالعان سىبايلاس جەمقورلىققا قارسى ءىس- قيمىل باعدارلاماسى شەڭبەرىندە «جەمقورلىقسىز ەل- گۇلدەنگەن ەل» پارتيالىق جوبانىڭ ىسكە اسىرىلۋى بويىنشا پارتيالىق باقىلاۋ كوميسسيا جۇمىسىنىڭ تيىمدىلىگىن قامتاماسىز ەتەتىن ۇسىنىستار پىسىقتالدى.