قازاقستانعا قاجىلىققا ءۇش مىڭ كۆوتا ءبولىندى

الماتى. قازاقپارات - قازاقستانعا قاجىلىققا ءۇش مىڭ كۆوتا ءبولىندى.

بۇل تۋرالى قازاقستان مۇسىلماندارى ءدىني باسقارماسىنىڭ ءتوراعا ورىنباسارى، نايب ءمۇفتي سەرىكباي قاجى وراز الماتىدا قاجىلىق كونكۋرسىنىڭ ىرىكتەۋىنەن وتكەن كومپانيا باسشىلارىمەن وتكەن جينالىستا ايتتى.

باسقوسۋ بارىسىندا نايب ءمۇفتي سەرىكباي قاجى وراز قاتىسۋشىلاردى ق م د ب قاجىلىق ءبولىمىنىڭ جاڭا باسشىسى بەيبىت مىرزاگەلديەۆپەن تانىستىرىپ، بيىلعى قاجىلىق ماۋسىمىندا اتقارىلاتىن جۇمىستارعا توقتالدى.

«بيىل قازاقستانعا قاجىلىققا ءۇش مىڭ كۆوتا ءبولىندى. قاجىلىق قىزمەتى ەلىمىزدە جىلدان جىلعا جولعا قويىلىپ كەلە جاتىر. قىزمەت كورسەتۋ ساپاسى دا ارتۋدا. بيىل دا ەلىمىزدىڭ قاجىلارىنا Flynas اۋە كومپانياسى تولىقتاي قىزمەت كورسەتەدى. قاجىلار استانا، الماتى، شىمكەنت قالالارىنان تىكەلەي رەيس ارقىلى ۇشاتىن بولادى»، - دەدى سەرىكباي قاجى وراز.

قازاقستان مۇسىلماندارى ءدىني باسقارماسى باسپا ءسوز قىزمەتىنىڭ حابارلاۋىنشا، كەڭەستە تۋرفيرمالاردىڭ ساپار بارىسىندا قىزمەت كورسەتۋ ساپاسىن ارتتىرۋ ماسەلەلەرى تالقىلانىپ، بىرنەشە تالاپتار قويىلدى.

سونداي-اق، بەيبىت مىرزاگەلديەۆ ميسسيا جۇمىسى تۋرالى مالىمەت بەرىپ، الداعى جۇمىس جوسپارى جايلى اڭگىمەلەدى.

اۆتور: ايبوتا جاپپاربەرگەن