رەسەيدەگى اعايىندار پاۆلودار وبلىسىنداعى شارۋاشىلىقتاردى دامىتۋعا دايىن وتىر
ەكىباستۇز اۋىلدىق ايماعىندا كاسىبىن تابىستى دوڭگەلەتكەن شارۋاشىلىقتاردىڭ ءبىرى - «ە م پ ك» سەرىكتەستىگى. سوڭعى جىلدارى مۇندا مال باسىن اسىلداندىرۋ جۇمىستارىنا باسا ءمان بەرىلۋدە.
«جەم- ءشوپ بازاسىن نىعايتۋ - باستى مىندەتتەردىڭ ءبىرى. ەت باعىتى بويىنشا جۇمىس اتقارىپ جاتقاندىقتان، مال ازىعىنىڭ ساپاسى نازاردان تىس قالماۋى ءتيىس. بۇل رەتتە، 540 گەكتار سۋارمالى القاپتى ىسكە قوستىق. مال شارۋاشىلىعىمەن قاتار، وسىمدىك شارۋاشىلىعىن دامىتۋدى جوسپارلاپ وتىرمىز. سوڭعى جىلدارى «قازاگروقارجى» سەرىكتەستىگى ارقىلى جاڭا تەحنولوگيالارعا قول جەتكىزدىك. ماسەلەن، «Reinke» ماركالى سۋارعىش ماشيناسى ساتىپ الىندى. تۇيە ءوسىرىپ، شۇبات ءوندىرىسىن جانداندىرۋدى دا ماقسات ەتۋدەمىز. مەملەكەت تاراپىنان كورسەتىلىپ جاتقان قولداۋدى انىق سەزىنىپ وتىرمىز»، - دەيدى «ە م پ ك» ج ش س- نىڭ ديرەكتورى تاتيانا شراينەر.
مۇندا رەسەيدىڭ ۆولگوگراد وبلىسىنان قونىس اۋدارىپ، مال شارۋاشىلىعىمەن اينالىسۋدى ماقسات ەتكەن ازاماتتار از ەمەس. سولاردىڭ ءبىرى - سەمباي ىسقاقوۆ. ونىڭ ايتۋىنشا، رەسەيدەگى قانداستارىمىز (شامامەن 10 وتباسى) وتانىنا ورالىپ ەڭبەك ەتكىسى كەلەدى. بارلىعى دا زووتەحنيك، اگرونوم جانە مەحانيزاتور ماماندىقتارى بويىنشا ءبىلىم العاندار.
وبلىس اكىمى بولات باقاۋوۆ وڭىردە ءبىرقاتار اۋىل شارۋاشىلىعى ماماندارىنىڭ تاپشىلىعى بايقالاتىنىن ايتتى. بۇل رەتتە، رەسەيدە جۇرگەن دايىن قانداس مامانداردى ەلگە شاقىرىپ، جۇمىسقا ورنالاستىرۋعا بار كۇشىن سالاتىنىن دا جەتكىزدى.
