الماتىنىڭ مەدەۋ اۋدانىندا سالىنىپ جاتقان مۇز ارەناسى بيىل قازان ايىندا تۇرعىندارعا قولجەتىمدى بولادى - فوتو
بۇل تۋرالى بۇگىن الماتى اكىمى باۋىرجان بايبەكتىڭ وسى ستاديونعا كەلىپ، قۇرىلىس جۇمىستارىمەن تانىسۋ شاراسى بارىسىندا ءمالىم ەتىلدى.
«ءبىز بۇل سپورت نىسانىن تامىز ايىنىڭ سوڭىندا پايدالانۋعا بەرۋدى جوسپارلاپ وتىرمىز. ناقتى كۇنى - 30- تامىز. ال نىساندى قابىلداپ الۋعا قاتىستى جۇمىستاردى قىركۇيەك ايىندا اياقتايمىز. دەمەك، شامامەن قازان ايىندا مۇز ارەناسى قالا تۇرعىندارىنا قولجەتىمدى بولادى»، - دەدى الماتى قالاسىنىڭ سپورتتىق قۇرىلىمدار ديرەكتسياسىنىڭ باسشىسى سەرگەي اپەنكو.
سونىمەن قاتار، ونىڭ ايتۋىنشا، ۋنيۆەرسيادا-2017 اياسىندا مۇندا حوككەي ماتچتارى وتكىزىلەدى.
سونداي-اق، بۇگىنگى شارا بارىسىندا ب. بايبەككە مۇز ايدىنى تانىستىرىلدى. قالا باسشىسى ءوز سوزىندە مۇنداي الىپ ارەنالاردى سالۋ جانە مۇز ايدىنىن ازىرلەۋ بارىسىندا كاسىپقوي سپورتشىلداردىڭ پىكىرىن ەسكەرۋ كەرەكتىگىن ايتتى.
