14:36, 21 - شىلدە 2016 | GMT +6
ۆەنادا ەردوعاندى قولداۋ شەرۋىنەن سوڭ تۇركيا ەلشىسى جاۋاپقا شاقىرتىلدى
استانا. قازاقپارات - تۇركيا پرەزيدەنتى رەجەپ تايىپ ەردوعانعا قولداۋ ءبىلدىرۋ ماقساتىندا وتكەن شەرۋگە بايلانىستى اۆستريا بيلىگى تۇركيا ەلشىسىنەن تۇسىندىرمە تالاپ ەتتى، دەپ حابارلادى اۆستريا س ءى م باسشىسى سەباستيان كۋرتس.
بۇل تۋرالى BBC اگەنتتىگى حابارلادى.
«ORF» راديوستانتسياسىنىڭ سۇحباتىندا سەباستيان كۋرتس تۇركياداعى بولماي قالعان مەملەكەتتىك توڭكەرىستەن كەيىن ەردوعاندى قولدايتىن اكسيالار وتكىزۋگە ستامبۇلدىڭ قاتىسى بار-جوعىن ەلشى ءتۇسىندىرۋى كەرەك ەكەنىن ايتتى.
«بىزدە، ۆەنادا وتكەن ەردوعاندى قولداۋ شەرۋى تىكەلەي تۇركيانىڭ ۇيىمداستىرعانى، ول تۋرالى ايعاقتار بار... ارينە، مۇنداي ارەكەتتەرگە جول جوق، ءبىز دە ءوز قارسىلىعىمىزدى بىلدىرگىمىز كەلەدى»، - دەپ مالىمدەدى كۋرتس.
