ەر ادامداردىڭ قالتاسىندا مۇشەقاپ جۇرمەسە، ايىپپۇل سالىنادى
سونىمەن بىرگە قوعامدىق جەردەگى دارەتحاناعا وتىرعان سوڭ، سۋدى اعىزباعان ادامعا 500 دوللار ايىپپۇل سالادى ەكەن. ال، ايىپپۇلمەن دە تۇزەلمەي، بۇل ارەكەتىن ءۇش رەت قايتالاسا زاڭ بويىنشا مويىنىنا «مەن قوقىس تاستاعىشپىن» دەگەن جازۋدى ءىلىپ ءجۇرىپ، كوشەنى تازالاپ جۋدىرادى جانە جەرگىلىكتى تەلەارنالاردان كورسەتىپ، ماسقاراسىن شىعارادى.
تايلاند
وزدەرىنىڭ ۇلتتىق اقشالارىن نە تيىنىن باسۋعا بولمايتىنى تۋرالى زاڭ شىققان. ويتكەنى اقشادا پاتشالارىنىڭ سۋرەتى باسىلعان. وسىنداي جاعدايمەن سىرتتان كەلەتىن تۋريستەر كوبىرەك زاڭ بۇزادى ەكەن. ءتىپتى، اقشانى شالباردىڭ ارتقى قالتاسىنا سالۋ دا زاڭ بۇزۋشىلىق بولىپ سانالادى. ەگەر كولىكتىڭ تىزگىنىنە جوعارعى جاعىڭىزدى جالاڭاشتاپ وتىرساڭىز دا (جەيدە، فۋتبولكا ت. ب. كيمەي) ايىپپۇل تولەتكىزەدى جانە دە كوشەدە جالاڭاشتانىپ جۇرگەن ادامعا دا جازا بار.
يتاليا
يتاليانىڭ ەبولي دەگەن قالانىڭ كوشەسىندە نەمەسە كولىكتىڭ ىشىندە سۇيىسكەندەرگە 500 يەۆرو ايىپپۇل سالادى ەكەن. تاۋاردىڭ ءتۇپنۇسقاسىنىڭ كوشىرمەسىن جاساعان ادامعا 10000 يەۆروعا دەيىن ايىپپۇل سالادى. فورتە- دەي- مارمي كۋرورت قالاسىندا تىنىعۋ ۋاقىتىندا تۋريستەردىڭ مازاسىن الماۋ ءۇشىن موتو- ءشوپشاپقىشتى قوسقاندارعا دا ايىپپۇل سالادى.
ۇلىبريتانيا
ادامدار جۇرەتىن تروتۋارمەن ۆەلوسيپەدپەن جۇرگەن ازاماتتارعا 100 يەۆرو ايىپپۇل سالادى. كوشەدە توقتاپ تۇرعان، اۆتوكولىگىنىڭ موتورىن 3 مينۋتتان استام سوندىرمەي، وتالدىرىپ تۇرعان جۇرگىزۋشىلەرگە 120 يەۆرو ايىپپۇل سالادى.
گەرمانيا
ال گەرمانيانىڭ اۆتوباندارىندا اۆتوكولىكتەرگە توقتاۋعا بولمايدى، ولاردىڭ جانارمايى تاۋسىلىپ قالسا دا 100 يەۆروعا دەيىن ايىپپۇل سالىنادى. بۇل شارا ۇلكەن جولدا كەپتەلىس تۋدىرماس ءۇشىن جاسالعان شارا. سونىمەن قاتار، گەرمانيا مەن دانيادا كوشەدە بەتىن جاۋىپ تۇراتىن مەديتسينالىق ماسكا كيۋگە بولمايدى.
قىتاي
اسكەرگە الىناتىن ازاماتتاردىڭ دەنەسىندە 2 س م اساتىن تاتۋيروۆكا بولعان جاعدايدا اسكەرگە الىنبايدى. اسكەردەگى ءتارتىپتى بۇزادى دەگەن قاۋىپ بولسا كەرەك. ءبىر قىزىىعى سۋعا باتىپ بارا جاتقان ادامنىڭ ءومىرىن قۇتقارۋعا رۇقسات ەتىلمەيدى. بۇل بىرەۋدىڭ تاعدىرىنا ارالاسىپ، كەدەرگى كەلتىرۋ دەپ تانىلىپ، جاۋاپقا تارتادى.
كولۋمبيا
جىنىستىق جۇقپالى اۋرۋلاردىڭ الدىن الۋ ءۇشىن 14 جاستان اسقان ەر ادامداردىڭ قالتاسىندا پرەزەرۆاتيۆ جۇرمەسە، ايىپپۇل سالدىرىپ، جاۋاپقا تارتادى.
جاپونيا
بۇل ەلدە 2009 -جىلدان باستاپ تولىق ادامداردى زاڭ بويىنشا جاۋاپقا تارتادى. ايەلدەردىڭ بەلى - 80 س م، ەرلەردىكى - 90 س م اسپاۋى كەرەك ەكەن. دانيا
كولىك جۇرگىزۋشىسى الدىمەن اۆتوكولىگىن وتالدىرماي تۇرىپ، كولىگىنىڭ اينالاسىن جانە استىن قاراپ شىعۋعا مىندەتتى.
شۆەيتساريا
تۇنگى ساعات 10.00 كەيىن كوپقاباتتى ۇيلەردە دارەتحانانىڭ سۋىن اعىزۋعا بولمايدى. ال ەگەر دارەتحاناعا بارساڭىز، سۋىن اعىزۋدى تاڭ اتقانعا دەيىن كۇتۋگە تۋرا كەلەدى.
ترينيداد پەن توباگودا
بيلىكتىڭ بەيبىت حالىق پەن اسكەري ادامداردى اجىراتۋى ءۇشىن كامۋفلياج كيۋگە زاڭ رۇقسات ەتپەيدى.
ءۇندىستاننىڭ بيحار شتاتىندا سيىردى ولتىرگەندەرگە ءولىم جازاسى كەسىلەدى.
ساۋد ارابياسى
ەر دارىگەرلەردىڭ ايەلدەردى قاراۋىنا رۇقسات ەتىلمەيدى. ال ايەلدەرگە دارىگەرلىك ماماندىق الۋ زاڭعا قايشى.
كانادا
ماڭدايشالارداعى بارلىق جازۋلار فرانسۋز تىلىندە جازىلۋى كەرەك. ەگەر فيرمانىڭ يەسى اعىلشىنشا جازعىسى كەلسە، اعىلشىن ءارىپى فرانسۋز ارىپىنەن ەكى ەسە كىشى بولۋى ءتيىس. باسقا تىلدە جازۋعا زاڭ قايشى.
ا ق ش - تا ءار شتاتتىڭ ءوز زاڭى بار. مىسالى؛
دجوردجيدا 2010 -جىلى مىنانداي زاڭ شىعارعان: كوشەدە كيىپ جۇرگەن يۋبكا نەمەسە شالباردىڭ بەلبەۋىنىڭ ولشەمى مىقىننان 3 س م تومەن بولسا 25 دوللار ايىپپۇل تولەتكىزەدى. ميننەسوتەدە اۆتوكولىگىڭىزدىڭ دوڭگەلەگى تازا بولماسا، 2000 دوللارعا دەيىن ايىپپۇل سالادى. نيۋ- دجەرسي شتاتىنىڭ فورت- لي قالاسىندا ۇيالى تەلەفونىڭىزبەن كولىكتە عانا ەمەس، جاياۋ جۇرگىنشىلەرگە دە CMC پەن حات جازىسۋعا بولمايدى ($85-ايىپپۇل) . ماريكوپا- كاۋنيدە جانۇياڭىزدا 6 قىزدان اسسا، ءبىر شاڭىراقتىڭ استىندا تۇرۋعا بولمايدى دەگەن زاڭدارى بار. بليتتە كوۆبويدىڭ بوتينكاسىن كەم دەگەندە ەكى سيىردان كوپ مالىڭىز بولسا عانا كيۋگە قۇقىعىڭىز بار. فلوريدادا عيماراتتار مەن ۇيلەردىڭ سىرتقى ەسىكتەرى سىرتقا قاراي اشىلۋى كەرەك. ىشكە قاراي اشىلسا، ايىپپۇل تولەيسىز. ماريەتتادا اۆتوبۋس پەن جەڭىل كولىكتەردەن سىرتقا تۇكىرۋگە بولمايدى. ال، جۇك كولىكتەرىنىڭ جۇرگىزۋشىلەرىنە رۇقسات بەرگەن.
ينديانادا ەگەر ءسىز سارىمساق جەگەن بولساڭىز، وندا 4 ساعات وتپەيىنشە تەاتر، كينو جانە ترامۆايعا كىرۋگە زاڭمەن تيىم سالىنعان. ال ينديانادا قازان، ناۋرىز ايلارىندا ۆاننا قابىلداۋعا بولمايدى.
گاۆايي شتاتىندا قوعامدىق جەرلەر مەن كوشەلەردە جارناما پلاكاتتارىن ءىلۋ زاڭعا قايشى.
نۇرگۇل ساباقانوۆا
«ايقىن»
