تايلاندتا الەمدەگى ەڭ قورقىنىشتى قولتىراۋىندار اتتراكتسيونى جابىلدى

استانا. قازاقپارات - تايلاندتىڭ چونبۋري پروۆينتسياسىنداعى تۋريستتەر قىزمەت كورسەتەتىن قولتىراۋىن فەرماسىنداعى قورقىنىشتى اتتراكتسيون جابىلدى.

The Mirror گازەتىنىڭ جازۋىنشا، تۋريستەر تەمىر تورلى سالعا وتىرىپ توعاندا تولىپ جۇرگەن قولتىراۋىنداردى تاماقتاندىرعان. ادامداردى جىرتقىش اڭداردان شاعىن قورشاۋ عانا قورعاعان.

وسىنداي سۋرەتتى تۋيتتەرگە تاكسي جۇرگىزۋشىسى دجون حوك جاريالاپ، قورقىنىشتى اتتاركتسيوندى پوليتسيا مەن شەنەۋنىكتەرگە تەكسەرۋدى ۇسىنعان.

سۋرەتتەر عالامتور پايدالانۋشىلارىنىڭ جاعاسىن ۇستاتىپ، اشۋ-ىزاسىن تۋدىرعان.

بۇدان كەيىن پوليتسيا مەن جەرگىلىكتى بيلىك قولتىراۋىن فەرماسىن تەكسەرىپ، ونىڭ جۇمىسىن ءۇش ايعا توقتاتتى.

جەرگىلىكتى تۇرعىنداردىڭ ايتۋىنشا، اتتراكتسيون ءۇش جىل بويى ىستەگەن. فەرما يەسى بيزنەسىن قاۋىپسىز دەپ وتىر، ول: «قايىققا 15 ادامنان كوپ ءتۋريستى شىعارمايمىز. ولاردىڭ قاۋىپسىزدىگىن مۇقيات قاداعالايمىز»، دەدى. ەكى توعانعا بولىنگەن فەرمادا 4300 دەن استام قولتىراۋىن بار. وبىر توعاندا ولار تاماقتاندىرىلسا، ەكىنشىسىنە كوبەيۋىنە جاعداي جاسالعان.