قىزى جوعالعان استانا تۇرعىنى ءبىر جىلدان كەيىن عانا ونى ىزدەي باستاعان

استانا. قازاقپارات - قىزىمەن جانجالداسقان استانا تۇرعىنى ءبىر جىل وتكەن سوڭ ونى ىزدەي باستادى.

«اعىمداعى جىلى 25 -ساۋىردە استانا پوليتسياسىنا ازاماتشا شارا رىسقۇلوۆادان 2015 -جىلى 20 -شىلدەدە ونىڭ 1993 -جىلى تۋعان قىزى گۇلفايرۋز رىسقۇلوۆا ۇرسىسقاننان كەيىن كيىمدەرىن جيناپ، اناسىنىڭ پاتەرىنەن جالعا العان پاتەرگە كوشكەنىن، وسى ۋاقىتقا دەيىن ونىڭ قايدا جۇرگەنى بەلگىسىز ەكەنى تۋرالى ارىز ءتۇستى»، - دەلىنگەن قالالىق ءى ءى د باسپا ءسوز قىزمەتىنەن.

اتالعان فاكت سوتقا دەيىنگى تەرگەۋدىڭ ءبىرىڭعاي رەەسترىنە تىركەلدى، اعىمداعى جىلى 26 -ساۋىردە ءىز-ءتۇزسىز جوعالعاندى ىزدەۋ بويىنشا ءىس قوزعالدى.

اعىمداعى جىلدىڭ ساۋىرىندە جانە ماۋسىم ايلارىندا قالانىڭ ءار جەرىندە قىزدى كورگەن كۋاگەرلەر تابىلدى. قازىر ىزدەۋ شارالارى جالعاسىپ جاتىر.

قىز تۋرالى بەلگىلى ءبىر اقپارات انىقتالعان جاعدايدا بەيبىتشىلىك كوشەسى، 19 -مەكەن جايىندا ورنالاسقان ءى ءى د، 716022(87172),716147, 716628، 87019007782، نەمەسە 102 نومەرلەرىنە حابارلاسۋ كەرەك.