16:44, 20 - شىلدە 2016 | GMT +6
ۇكى ەركىندىككە جىبەرىلدى
استانا. قازاقپارات - وسىدان ءبىر جارىم اي بۇرىن اقسۋ قالاسىنداعى جاس ناتۋراليستەر ستانساسىنىڭ قاراۋىنا بەرىلگەن ۇكىنىڭ بالاپانى تابيعات اياسىنا جىبەرىلدى.
بۇل تۋرالى اقسۋ جاس ناتۋراليستەر ستانساسىنىڭ قوسىمشا ءبىلىم بەرۋ پەداگوگى يرينا كوشيريحينا ءمالىم ەتتى، دەپ حابارلايدى pavlodarnews.
«ءبىز ۇكىنىڭ بالاپانىن ءۇش اپتاداي بۇرىن ەركىندىككە جىبەردىك. سەبەبى ول، تورعا سىيمادى. وعان كەڭ دالا كەرەك بولدى»، - دەيدى يرينا كوشيريحينا.
ەستەرىڭىزگە سالا كەتسەك، پاۆلودارلىق ازاماتتار «جەتى اعايىن» مەشىتىنىڭ ماڭىنان ۇكىنىڭ بالاپانىن تاۋىپ العان بولاتىن. كەيىن ونى پاۆلودار قالالىق ورمان جانە جانۋارلار الەمىن قورعاۋ مەكەمەسىنىڭ ديرەكتورى اجدار ءجۇسىپوۆ جاس ناتۋراليستەر ستانساسىنا تاپسىرعان ەدى.
