ۇلتتىق قورعانىس ۋنيۆەرسيتەتىندە العاش رەت باتالون سەرجانتتارىنىڭ دايارلىعى ءوتتى
كۋرستىڭ ماقساتى تاكتيكالىق باسقارۋ بۋىنىنىڭ اسكەري ماماندارىن دايارلاۋ بولىپ تابىلادى، دەپ حابارلايدى ق ر ق م باسپا ءسوز قىزمەتى.
بۇل رەتتە دايىندىق بولىمشەلەردى جاۋىنگەرلىك باسقارۋ نەگىزدەرىن، كۇندەلىكتى قىزمەتتى باسقارۋ ماسەلەلەرىن، بەيبىت ۋاقىتتا بولىمشەلەردىڭ تاربيە جانە يدەولوگيالىق جۇمىسىن زەردەلەۋگە باعىتتالعان.
ءبىر اي بويى جوعارى اسكەري وقۋ ورنىنىڭ بازاسىندا وتكەن وقىتۋ قورىتىندىسى بويىنشا كەشەندى ەمتيحان وتكىزىلدى. قورىتىندى تەكسەرىستەن ويداعىداي ءوتىپ، بىلىمدەرىن راستاعان سەرجانتتارعا بەلگىلەنگەن ۇلگىدەگى كۋالىكتەر تاپسىرىلدى.
قازىرگى ۋاقىتتا قازاقستان رەسپۋبليكاسىنىڭ قارۋلى كۇشتەرىندە سەرجانتتاردى دايارلاۋعا ۇلكەن ءمان بەرىلۋدە. سەبەبى، ءدال وسى سەرجانتتار كورپۋسى ارميانىڭ جاۋىنگەرلىك قابىلەتتىلىگىن نىعايتۋ جونىندە ءبىرقاتار ماڭىزدى تاپسىرمالاردى ورىندايدى. بۇل ساربازداردىڭ جەكە جاۋىنگەرلىك جانە دەنە دايارلىعى، اسكەري ءتارتىپتى ۇستاپ تۇرۋ جانە اسكەري قىزمەتشىلەردى تاربيەلەۋ، اسكەري قىزمەت وتكەرۋدىڭ قاۋىپسىز جاعدايلارىن قامتاماسىز ەتۋ، قارۋ-جاراق پەن اسكەري تەحنيكانى پايدالانۋ. ءارتۇرلى دەڭگەيدەگى سەرجانتتار كورپۋسىنىڭ وكىلدەرى ءۇشىن بۇگىندە ۇلتتىق قورعانىس ۋنيۆەرسيتەتى، ش. ءۋاليحانوۆ اتىنداعى ق ر ق م كادەت كورپۋسى، سونداي-اق، ق ر ق ك اسكەري بولىمدەرىنىڭ وقۋ-جاتتىعۋ ورتالىقتارىنىڭ بازاسىندا ءتيىستى وقىتۋ كۋرستارى قولجەتىمدى بولىپ تابىلادى.
