الماتى اكىمى قازا تاپقان پوليتسيا قىزمەتكەرىنىڭ وتباسىنا بارىپ، كوڭىل ايتتى
بۇل تۋرالى الماتى اكىمىنىڭ باسپا ءسوز قىزمەتىنەن حابارلادى.
قالا باسشىسى وتباسى مۇشەلەرىنە كوڭىل ايتىپ، ايان عاليەۆتىڭ بەيبىت تۇرعىنداردىڭ ءومىرىن ساقتاپ قالۋ ءۇشىن ءوز ءومىرىن قۇرباندىققا شالىپ، ەرلىك كورسەتكەنىن اتاپ ءوتتى.
«ءسىزدىڭ ۇلىڭىز ەرلىك كورسەتتى. ءبىز سىزدەرگە بارلىق قاجەتتى كومەكتەردى كورسەتەتىن بولامىز. الماتى وبلىسىنىڭ اكىمىمەن حابارلاستىم. قازىر جۇمىس جۇرگىزىلىپ جاتىر. بەكەم بولىڭىزدار. ءسىزدىڭ ۇلىڭىزدىڭ ەرلىگى ەشقاشان ۇمىتىلمايدى. ول ءبىزدىڭ باتىرىمىز»، - دەدى مارقۇمنىڭ اناسىنا ب. بايبەك.
ەلباسىنىڭ تاپسىرماسىنا سايكەس، لاڭكەستىك ارەكەت سالدارىنان قازا تاپقانداردىڭ وتباسىنا 15 ميلليون تەڭگە كولەمىندە ماتەريالدىق كومەك كورسەتىلەدى.
ەستەرىڭىزگە سالا كەتەلىك، المالى اۋدانى بويىنشا مەملەكەتتىك كىرىستەر دەپارتامەنتىندە كۇزەتتە تۇرعان ستارشينا ايان عالييەۆ جول-پاترۋلدىك پوليتسيا قىزمەتكەرلەرىنە وق جاۋدىرىپ، ابىلاي حان داڭعىلى بويىمەن تومەن قاراي كەتىپ بارا جاتقان قىلمىسكەرمەن اتىسادى. سونىڭ سالدارىنان ءولىمشى بولىپ جارالانادى. ءبىراق، قۇلاپ جاتىپ، قىلمىسكەردى جاراقاتتاپ ۇلگەرگەن. ارتىنشا كەلىپ جەتكەن اياننىڭ ارىپتەسى قىلمىسكەردى ۇستاپ، قولىنا كىسەن سالادى. قازىر قىلمىسكەر تەرگەۋ اباقتىسىندا.
تەرگەۋ جۇرگىزىلىپ جاتىر.
اۆتور: ايبوتا جاپپاربەرگەن
