ىشكى ىستەر ءمينيسترى باۋىرجان بايبەكتى «اقتاپ» وتىر

استانا. قازاقپارات - قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆتىڭ پايىمداۋىنشا، ارنايى قىزمەت پەن پوليتسيا جۇرگەن جەرگە ازاماتتىق قىزمەت باسشىلارىنىڭ «ارالاسۋىنا» سەبەپ جوق.

«بارلىق تاراپتىڭ ءوز مىندەتىن ورىنداۋ رەتى بار. سوندىقتان، ارنايى قىزمەت پەن پوليتسيا جۇرگەن جەردە ازاماتتىق قىزمەت باسشىلارىنىڭ قانداي دا ءبىر شارا قولداناتىنداي قاجەتتىلىگى جوق. كەشە الماتى قالاسىنىڭ اكىمىمەن (باۋىرجان بايبەك - اگەنتتىك) بايلانىستا بولدىق. ءبارىن تالقىلاعان سوڭ، ول جاراقات العان ادامدارعا كومەك كورسەتىپ، قازا تاپقانداردىڭ تۋعان-تۋىستارىمەن جۇمىس جۇرگىزۋ سالاسىندا ءتيىستى شارالاردى قولعا الدى»، - دەيدى ق ر ىشكى ىستەر ءمينيسترى قالمۇحانبەت قاسىموۆ بۇگىن ۇكىمەت وتىرىسىنان كەيىن جۋرناليستەردىڭ سۇراعىنا جاۋاپ بەرە وتىرىپ.

ق. قاسىموۆ اتاپ وتكەندەي، باۋىرجان بايبەك كەشە، ياعني الماتى قالاسىندا قاندى وقيعا ورىن العان 18- شىلدە كۇنى قالادا بولعان.

ايتا كەتەيىك، الەۋمەتتىك جەلىدە حالىق وقيعا ورىن العان كۇنى الماتى قالاسىنىڭ باسشىلىعى نەگە مالىمدەمە جاسادى دەگەن ماسەلەنى قىزۋ تالقىلاپ جاتىر.

اۆتور: كەنجەكەي توقتامۇرات قىزى