سوتتالعان ەكس-پرەمەر احمەتوۆتىڭ ءىسى بويىنشا مۇلىكتى تاركىلەۋ ماسەلەسى ءالى شەشىمىن تاپپاعان
داۋ «توپار جىلىجايلارى» ج ش س توڭىرەگىندە بولىپ وتىر. سوت بۇل كاسىپورىندى باسقا تۇلعالارعا رەسىمدەلگەن احمەتوۆتىڭ جەكە بيزنەسى دەپ تانىدى. بۇل بيزنەس تاركىلەۋگە جاتاتىنى نە جاتپايتىنى بويىنشا ماسەلە تۋىنداپ وتىر.
سەيسەنبى، 19- شىلدەدە، احمەتوۆتىڭ ىسىمەن بايلانىستى اپەللياتسيالىق وتىرىس قاراعاندى وبلىستىق سوتىندا ءوتتى.
«توپار جىلىجايلارى» ج ش س- نا قاتىستى قاراعاندى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتتىڭ قاۋلىسىنا قاتىستى جاپا شەگۋشى «كاز اگرو فينانس» ا ق اپەللياتسيالىق ارىزى بويىنشا پروكۋروردىڭ نارازىلىعىنا سايكەس تۇسكەن ءىس قارالۋدا»، - دەدى سۋديا قارلىعاش نۇرماعامبەتوۆا.
ءىس ماتەريالدارىنا سايكەس، سوت ورىنداۋشىسى «توپار جىلىجايلارى» ج ش س ۇلەسىن ۇلەستىرۋگە قاتىستى كۇدىكتى سەيىلتۋدى سۇرادى. قاراعاندى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى ءوز قاۋلىسىندا سوتتالعان س. احمەتوۆتىڭ سەنىمدى تۇلعالارى ارقىلى سەرىكتەستىكتەگى ۇلەسى %95 قۇرايتىنى، قالعان %5 ءىس بويىنشا كۋاگەر بولىپ وتىرعان «توپار جىلىجايلارىنىڭ» بۇرىنعى ديرەكتورى الەكساندر زابيروۆكە تيەسىلى بولعانىن كورسەتكەن.
بۇل جاۋاپ پروكۋرورلاردىڭ نارازىلىعىن تۋدىردى. ولار جىلىجاي بيزنەسى احمەتوۆكە تيەسىلى دەپ وتىر.
قىلمىستىق سوتتىڭ قاۋلىسىنىڭ زاڭسىزدىعىن جاپا شەگۋشى «قاز اگرو قارجى» ا ق وكىلى جاننا توعاناسوۆا ايتتى. ۇلتتىق كومپانيا وكىلى «توپار جىلىجايلارى» ج ش س- ى جوباسىنا ق ر ۇلتتىق قورىنان 4 ميلليارد تەڭگەدەن استام قاراجات قۇيىلعانىن ەسكە سالدى. قازىر كەشەن كەپىلدىكتە تۇر. كەپىلدىكتى جوعالتقان جاعدايدا مەملەكەتكە ءىرى كولەمدە زالال كەلتىرىلەدى، دەدى «قاز اگرو قارجى» ا ق وكىلى.
ناتيجەسىندە سۋديا ق. نۇرماعامبەتوۆا قىلمىستىق سوتتىڭ قاۋلىسىن جوققا شىعاردى. الايدا ول بيزنەس ۇلەسىن انىقتامادى.
احمەتوۆكە قاتىستى ۇكىم زاڭدى كۇشىنە ەنگەنگە دەيىن جىلىجاي بيزنەسى ءۇشىنشى تۇلعاعا ساتىلعانى بەلگىلى بولدى.
كاسىپورىننىڭ جاڭا يەلەرى سوتتا مۇلىككە جانە «توپار جىلىجايلارى» ج ش س- نى تىركەۋ ارەكەتتەرىنە سالىنعان تىيىمدى العىزۋعا تىرىسىپ جاتىر.
بۇل مامىلەنىڭ ءمان-جايىن قۇقىق قورعاۋ ورگاندارى تەكسەرەدى. جەمقورلىققا قارسى قىزمەت سوتقا دەيىنگى تەرگەۋ امالدارىن جۇرگىزىپ جاتىر.
