ەردوعان ەكى بىردەي وققاعارىن كوتەرىلىسشىلەردىڭ ءولتىرىپ كەتكەنىن ايتتى

استانا. قازاقپارات - تۇركيادا اسكەري توڭكەرىس كەزىندە پرەزيدەنت رەدجەپ تايىپ ەردوعاندى قورعايتىن ەكى بىردەي وققاعار قازا تاپقان.

بۇل تۋرالى lenta.ru حابارلايدى.

تۇرىك پرەزيدەنتى ءوز وتباسىمەن بىرگە مارماريس قالاسىندا بەسكۇندىك دەمالىستى وتكىزىپ جاتقان. وقىس جاعداي ورىن العان سوڭ ەردوعان قوناق ءۇيدى تاستاپ شىعىپ، قاۋىپسىز ورىن ىزدەۋگە ءماجبۇر بولعان.

وسى كەزدە پرەزيدەنتتىڭ الدىمەن وتانداستارى الدىندا جاعدايعا بايلانىستى ءسوز سويلەۋىنە تۋرا كەلەدى. الايدا مۇنىڭ ءوزىن ول تەك سمارتفون ارقىلى سكايپپەن ايتتى. وسىنىڭ وزىندە ەل باسشىسىنىڭ سوزىنە قۇلاق اسقان بىرنەشە مىڭ ىستامبۇل تۇرعىنى كوشەگە شىعىپ، توڭكەرىسكە قارسىلىق تانىتتى.

«مارماريستە ماعان قارسى وپەراتسيا بولىپ، ەكى وققاعارىمدى ءولتىردى»، - دەدى مەملەكەت باسشىسى. ول ەگەر ءوزى دە سول جەردە 10-15 مينۋتقا ايالدار بولسا، ءولىپ كەتۋىنىڭ نەمەسە تۇتقىنعا الىنۋىنىڭ مۇمكىن ەكەنىن ايتتى.

ەسكە سالا كەتسەك، تۇركياداعى توڭكەرىس 15- شىلدە كۇنى بولىپ، ناتيجەسىندە 208 ادام قازا تاپتى. ولاردىڭ 60 ى پوليتسيا جانە 145 ءى بەيبىت تۇرعىندار. سونىمەن قاتار تاعى 1491 ادام جارالانعان. توڭكەرىستى ۇيىمداستىرعان 24 ادامنىڭ كوزى جويىلدى. ال وقيعاعا قاتىستى كۇدىكپەن ۇستالعاندار سانى 7,5 مىڭ ادامعا جەتتى.