قوعام الماتى وقيعاسىنان قانداي ساباق الۋى كەرەك؟

استانا. قازاقپارات - ورتالىق كوممۋنيكاتسيالار قىزمەتىندە بريفينگ وتكىزگەن قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قاريننىڭ ايتۋىنشا، كەشەگى الماتى وقيعاسى قازاقستان قوعامى ءۇشىن ۇلكەن ساباق بولۋى كەرەك.

«كەشەگى الماتى وقيعاسى قوعام ءۇشىن ۇلكەن ساباق بولۋى كەرەك، ورتالىق ازيا بويىنشا، سونىڭ ىشىندە قازاقستاندا ۇيقىداعى راديكالدى توپتاردان كەلەتىن قاۋىپ دۇرىس ەلەنبەي وتىر. مەملەكەتتىك دەڭگەيدە، قوعامدا ەلەنبەي وتىر. وسى قاۋىپتى ەلەمەۋدىڭ سالدارى جالپى جاعدايعا اسەر ەتىپ كەلەدى. 2011-2012 -جىلعى جاعدايلاردان كەيىن تىنىشتالا قالدىق تا، ول وقيعالار راديكاليزيمنىڭ ءبىر رەتتىك ۇشقىنى رەتىندە باعالاندى»، - دەيدى ە. قارين.

ە. قارين اتاپ وتكەندەي، «ۇيقىداعى راديكالدى ۇيالاردىڭ» ويانۋىنان ءتونىپ تۇرعان قاۋىپ ورتالىق ازيا بويىنشا، سونىڭ ىشىندە، قازاقستاندا ءوز دەڭگەيىندە باعالانىپ، ەلەنبەي وتىر. سوندىقتان، 18 -شىلدە كۇنى بولعان الماتىداعى وقيعا وسى قاۋىپپەن كۇرەسۋ ءۇشىن كۇش بىرىكتىرۋدىڭ جاقسى سەبەبى جانە «جالعىز سودىر» تەندەنسياسىنان ساباق الار قاۋىپتى بەلگى.

اۆتور: كەنجەكەي توقتامۇرات قىزى