الماتىدا ءبىرقاتار قارۋ-جاراق دۇكەندەرى اشىلدى

الماتى. قازاقپارات - الماتىدا ءبىرقاتار قارۋ-جاراق دۇكەندەرى اشىلدى. ولار كەشە قالاداعى توتەنشە جاعداي سالدارىنان جابىلعان بولاتىن.

قازاقستانداعى «قورامساق» ازاماتتىق جانە قىزمەتتىك قارۋ-جاراق اينالىمىمەن اينالىساتىن كاسىپورىندار مەن ۇيىمدار قاۋىمداستىعىنىڭ ۆيتسە-پرەزيدەنتى سەرگەي كاتنوۆتىڭ ايتۋىنشا، الماتىدا ساقتالىپ وتىرعان لاڭكەستىك قاۋىپتىلىكتىڭ «سارى» دەڭگەيى اياسىندا قارۋ-جاراق دۇكەندەرىن اشۋعا بولادى.

«لاڭكەستىك قاۋىپتىلىكتىڭ «قىزىل» دەڭگەيى بارىسىندا قارۋ-جاراق دۇكەندەرى جابىلادى، ال «سارى» دەڭگەيى بارىسىندا اشۋعا بولادى. اقتوبەدەگى لاڭكەستىك ارەكەتتەن كەيىن، «سارى» دەڭگەي - 40 كۇن ساقتالعان بولاتىن. ءبىراق، ول كەزدە قارۋ-جاراق دۇكەندەرىن جابۋ تۋرالى تالاپ قويىلعان جوق»، - دەدى ول.

سونىمەن قاتار، ونىڭ ايتۋىنشا، اتىس تۋرالى حابار كەلىپ تۇسە سالىسىمەن، قارۋ-جاراق دۇكەندەرىن ۋاقىتشا مەرزىمگە جابۋ تۋرالى شەشىم قابىلدانعان. الماتىدا بارلىعى 15 قارۋ-جاراق دۇكەنى بار.

دەگەنمەن، قالادا «اننا» جانە «اڭشىنىڭ ارمانى» قارۋ-جاراق دۇكەندەرى جابىق كۇيىندە قالۋدا. سونداي-اق، «الپامىس» قارۋ-جاراق دۇكەنى دە ءالى اشىلعان جوق. دەگەنمەن، «مەرگەن» جانە «كامەراد» دۇكەندەرى اشىلدى.

اۆتور: ايبوتا جاپپاربەرگەن