قىزدارعا توقسان ءتۇرلى كەڭەس نەمەسە جىگىتتى قالاي قاراتۋ تۋرالى

استانا. قازاقپارات - بارلىق كەمشىلىكتەرىڭدى ۇمىت. ەڭ باستىسى ءوزىڭنىڭ ار- وجدانىڭدى ويلا.

باسىڭدى سالبىراتپا. جاقسى كورىنۋدى ۇناتاتىن قىزدار الدىنا تىك قاراپ جۇرەدى.

ۇنەمى بەلسەندى جانە وزىڭە سەنىمدى بول.

مۇمكىندىگىنشە جان- جاعىڭداعىلارعا كوبىرەك جاقسى كوڭىل- كۇي سىيلاي ءبىل. ولارعا ۇنەمى كۇندەي كۇلىمدەپ جۇرەتىن اسەر قالدىر.

تىڭداي ءبىل. وزگەلەردىڭ پىكىرىن سىيلاي ءبىل. وزىڭدىكىن ايتا بەرمە.

قاسىڭا كۇتىم جاسا. كوز - جۇرەكتىڭ ايناسى. كۇننەن قورعايتىن كوزاينەكتى دە ۇمىتپاۋ كەرەك! دۇرىسى قاستى ارنايى ماماندارعا جوندەتكەن دۇرىس.

وزگەرۋدەن قورىقپا. العا قاراي ۇمتىل. جان- جاقتى بول. بىرنارسەگە اينالسوقتاي بەرمە. بايقاپ كور. ءوزىڭدى تانى.

جۇپار اڭقىپ ءجۇر. «ءوز ءيىسىڭدى» تاپ تا، ۇنەمى سونى بۇركىپ ءجۇر. يىستەر ادامداردارعا اسەر قالدىرادى.

بەت قىزارتاتىن دالاپتى ۇنەمدە. ودان دا تازا اۋادا كوپ ءجۇر. ايازدا قىدىرىپ جۇرگەن سۇلۋدى دەرەۋ جىلىتقىسى كەلەتىندەر بولادى.

ءبىر نارسەمەن اينالىس. مىسالى، تاەكۆوندونى ۇيرەن. كەز كەلگەن جىگىت سۋپەرقىزبەن كەزدەسكەندى ارماندايدى ەمەس پە؟

بىرەۋلەردى كوشىرمە. ءوز ءستيلىڭدى تاپ. تەك اقىماق قانا جۇرەتىن قىزىن مەريليەن مونرو نەمەسە اندجەلينا دجوليعا ۇقسايدى دەپ ماقتانادى.

حوش ءيىستى كونفەت الىپ ءجۇرۋدى ۇمىتپا! بارلىق جارنامالار تازا دەم تۇسىنىستىكتى جەڭىلدەتەدى دەپ دالەلدەيدى. ونىسى راس!

تاماقتى تابەتپەن جانە ادەمى جە. «ديەتا» دەگەن ءسوز جاعىمسىز.

 اياق الىس ادىمدارىڭا قاراپ ءجۇر. ءجۇرىسىڭ تارتىمدى بولسىن. اياعىڭا قاراما، اسىقپا، وكشەڭدى قيسايتپا.

 كولەمدى كىشىرەيت. سومكەلەردىڭ كولەمىن وزگەرت. تارتىمدى كىشكەنە سومكە تۇرعاندا ۇلكەنىن ۇستاۋدىڭ قاجەتى قانشا؟

كوبىرەك وقى. كوپ نارسەدەن حابارى بار اداممەن ارالاسقىڭ كەلىپ تۇرادى ەمەس پە؟

ماقساتىڭا جەتۋگە تالپىن. وزىڭە ءبىر ماقسات قوي دا، سوعان قاراي ۇمتىل. ىشكى داۋىسىڭا سەن. ماقساتى بار ادامدار تارتىمدى بولادى.

 دامدەۋىشتەردى پايدالان. ەڭ بولماعاندا تاعامنىڭ ءبىر ءتۇرىن جاساپا ۇيرەن. ءتىپتى ول قاراپايىم الما پيروگى بولسا دا، جاقىندارىڭ مەن دوستارىڭدى قۋانت.

شاشىڭا كۇنىگە قاراپ ءجۇر. ۇيلەسىمدى، ۇنامدى ەتىپ جاساي ءبىل.

باستى نارسەنى ايتپا. قىز بالاسى ءبىرىنشى كەزدەسۋدە- اق ءوزى تۋرالى تۇگەل ايتىپ تاستاۋعا بولمايدى. كەيبىر جۇمباقتاردى قالدىر. جىگىتتەر جۇمباقتى شەشكەندى جاقسى كورەدى!

داۋسىڭدى قاتتى كوتەرىپ سويلەمە. ءوز- ءوزىڭدى ۇستا.

وينا! ءوزىڭ تۋرالى كينو ءتۇسىر، باست رولدە وينا، ءتۇرلى وبرازعا كىرىپ كور.

اقىلگويسىمە. قىزدىڭ ءوزىن اقىلدى كورسەتكىسى كەلىپ تسيتاتالار نەمەسە ماقالدار قوسىپ سويلەگەنى اشۋدى كەلتىرەدى.

 سىيلىقتار سىيلا. كىشكەنتاي نەمەسە قولدان جاسالعان بولسا دا دوستارىڭا، تانىستارىڭا جايدان جاي سىيلىق سىيلا. ويتكەنى سەنىڭ كوڭىل- كۇيىڭ جاقسى.

اداممەن سويلەسكەندە قولىنان ۇستا نەمەسە ارقاسىنان قاعىپ جاقىندا.. پسيحولوگتار مۇنىڭ سويلەسۋشىنىڭ كوڭىلىن جايلاندىرۋعا كومەكتەسەتىندىگىن ايتادى.

شۇقىلانا بەرمە. ۇستەلدەگى ۇنتاقتاردى دومالاتىپ، سالفەتكانى بۇكتەمە ت. ت. بۇلار وتە جامان كورىنەدى. ونىڭ ورنىنا كەكىلىڭدى بەتىڭنەن ۇرلەپ جىبەر.

ايىرماشىلىقتى سەزىن. تارتىمدى كيىن، ءبىراق الەم- جالەم بولماسىن. ماسەلەن، قىسقا يۋبكا، جابىسقان كوفتا، قىپ- قىزىل دالاپ، قاپ- قارا بويالعان كوز قانداي قىزدى ەلەستەتۋى مۇمكىن؟

قولىڭا كۇتىم جاسا. مانيكيۋردى ۇمىتپا. جۇمساق، ادەمى قولداردى ۇستاعىڭ كەلىپ تۇرادى.

كوبىرەك كۇلىمدە. سەنىڭ باقىتتى ەكەنىڭدى ءبارى كورسىن.

ءوزىڭ تۋرالى از ايت. ادامداردىڭ سەن تۋرالى وزدەرى سۇراسىن.

 جىلاما. قىزدار جىلاسا جىگىتتەردىڭ جانى اشيدى دەپ ويلايدى. شىندىعىندا ول -  كەرىسىنشە.

اكسەسسۋار الۋدا ۇنەم جاساما. كىشكەنتاي بولسا دا ساقينا، القا سياقتى نارسەلەر تاعىپ ءجۇر.

ۇناتقان جىگىتىڭە ۇزىلە قاراعان كوزقاراسىڭمەن سەزىمىڭدى ءبىلدىر.

ءوزىڭدى قىزىقتىراتىن اداممەن سويلەسكەندە تىكە كوزىنە قاراپ وتىر.

ماقتا. شىن ماقتا. جان- جاعىڭداعىلارعا شىن جۇرەگىڭمەن ماقتاۋلى سوزدەرمەن قوشەمەت جاسا.

باتىل ءجۇر. اياق كيىم ىڭعايلى بولۋ كەرەك. بيىك وكشە كيىپ جىگىتتىڭ جۇرەگىن جاۋلاي المايسىڭ. مىقتى «اديداس» كيىپ تە (ارينە، وعان «اديداس» ۇناسا) كەز كەلگەنىن تاڭ قالدىرا الاسىڭ.

قالجىڭباستىقتى دا ۇمىتپا. وزىڭە كۇلۋدەن قورىقپا. بۇل سەنىڭ ءازىلقويلىعىڭدى كورسەتەدى.

 جىگىتتەردىڭ ءوز تىلىندە سويلەسىپ، ولاردىڭ قالجىڭدارىن ءتۇسىنۋدى ۇيرەن. بۇل ماڭىزدى!

قاراپايىم بول. تۇيمەدەيدەن تۇيەدەي جاساما!

كوپ ىزدەن. دۇنيەدەگى قىزىقتار جايىندا دوستارىڭمەن ءبولىس.

ءبىرىنشى بولىپ سەزىمىڭدى بىلدىرمە. العاشقى قادام جىگىتتەن بولۋ كەرەك. ايتپەسە سەنى باعالامايتىن بولادى. ويتكەنى ول قول جەتكىزەم دەپ تىرىسقان جوق.

 ۇنەمى قالاي كورىنەدى ەكەم دەگەن ويدان ارىل. ەركىن راحاتتان.

دوستارىڭنىڭ تۋعان كۇنىن ەسىڭە ساقتا نەمەسە جازىپ ال دا، قۇتتىقتاپ تۇر.

كيىم كيىسىڭنىڭ بەلگىلى ءبىر ۇلگىسىن قالىپتاستىر. توپتان وزگەشەلەنىپ كورىن. ءبىراق تىم اسىرەلەپ جىبەرمە.

قىزعانبا. وزىڭدە بار نارسەڭدى ەسىڭە الىپ، قۋان.

شىن ماحابباتىق سەزىمىڭدى ءبىلدىر. ول ءبىراق شىن جاقسى كورەتىن ادامىڭ بولسىن.

سوزگە ەمەس، ىسكە سەن. كەيدە بوس ءسوز دە بولادى.

دوس بولا ءبىل. وزىڭە قىمبات ادامدارعا ءتىل تيگىزۋگە جول بەرمە. بۇل باعالانادى.

  قىزىعۋشىلىقتارىڭدى ءبولىس. ول سەنى ودان دا جاقسى كورە تۇسەدى.

ءوزىڭدى جانە ءوز دەنەڭدى جاقسى كور. كىشىگىرىم مەرەكەلەر ۇيىمداستىر. مىسالى، كوبىك نەمەسە تۇز، گۇل سالىنعان ۆاننا قابىلدا. بۇل تەرىنى جۇمساق قىلادى، ءارى ءوزىڭدى بۇرىنعىدان دا جاقسى كورە تۇسەسىڭ.

 مەيىرىمدى بول. ونداي ادامدار بالالارعا، جان- جانۋارلارعا، ءتىپتى ەندى عانا تانىس ادامدارعا مەيىرىم سىيلاي بىلەدى.

شىنىق. نومەردەن شاتاسىپ كەتسە دە، تەلەفونعا سىپايى جاۋاپ بەرىپ ۇيرەن. سىپايىلىق اسا قاجەت!

 وزىڭە شاق كيىمدى عانا كي. ءوز دەنە ءبىتىمىڭنىڭ قانداي ەكەنىن باعالاپ ۇيرەن.

فانتازيالار؟ اياقاستى ءبىر نارسە ويدان شىعارۋدى ازايتۋعا تىرىس. ول جاعىمسىز جاعداياتتاردىڭ بولۋىنا اكەپ سوعۋى مۇمكىن.

دارىندى بولۋعا ۇمتىل. تالانتتى قىزدار ادەمى!

 ەموتسيونالدى بول. كوڭىل- كۇيىڭدى جاسىرىپ قالماي، اشىق ايت . ءبىراق تەاتر قويىلىمىن جاساما.

بويىڭدى تىك ۇستاپ ءجۇر.

ۋاقىتتى باعالا. بوس نارسەگە ۋاقىتىڭدى ولتىرمە. تەك پايدالىعا جۇمسا.

 جىگىتتى قورلاما. وعان سەنىڭ قۇقىڭ جوق.

كەز كەلگەن جەردە ليدەر بول. ول قيىن ەمەس.

وركوكىرەكتىك قاشىرادى.

شىنايى بول!

جاقسى كور! ادامدارعا قايىرىمدىلىقپەن قارا. ءبىراق قايىرىمدى بولام دەپ، اڭقاۋلىققا جول بەرمە.

بۇرىعى جۇرگەن جىگىتىڭ تۋرالى ءسوز قوزعاۋدىڭ مۇلدە قاجەتى جوق.

ۇيىقتاپ بارا جاتىپ، جاقسى نارسە ويلا، تۇرعاندا كوڭىلدى وياناسىڭ.

وتىرىك ايتپا، بۇل جاعىمسىز جاعداياتتاردىڭ الدىن الادى.

گازدى سۋسىنداردى از ءىش، سەلليۋليتتەن ساقتايدى.

ىشىمدىك ىشپە. اۋزىندا تەمەكىسى، ءوزى ءىشىپ العان قىز وتە جامان كورىنەدى. جىگىت ونداي قىزعا قارامايدى دا.

شاشىڭدى ءوز تۇسىنەن ءبىر ءتۇس تومەن اعارتۋشى بولما. سەبەبى ءوسىپ كەلە جاتقان تۇبىندەگى شاش جامان كورىنەدى.

 ءارقاشان پەديكيۋر! قىس بولسا دا، اياقتىڭ ۇشىنا دەيىن ءمىنسىز بولۋ كەرەك.

 تاڭدا. وزىڭە جاعىمدى ادامدارمەن عانا قارىم- قاتىناس جاسا.

جابىسا بەرمە. ءوزى شاقىراتىنداي جاسا.

جاساندى جەستتەردەن ساقتان. شىنايى بول.

 مينيمۋم كوسمەتيكا! سەن «مۋلەن رۋجداعى» ماماتاي ەمەسسىڭ.

قاراپايىم ەتيكەت ەرەجەلەرىن ۇيرەن. ونى ورنىمەن قولدان.

كەيدە ءوزىڭدى ەركەلەت. ءوزىڭ ۇناتاتىن نارسەلەردى جاسا.

ەڭبەكتەن! جالقاۋلانباساڭ، تاعى دا ءبىر جەتىستىككە جەتەسىڭ. ءار ءوزىڭدى تاعى دا سىيلاي تۇسەسىڭ.

شىنىققانىڭ ابزال! دەنەسى جيناقى قىز تارتىمدى كەلەدى.

ۇندەمەي قالما. ءوز كوزقاراسىڭدى باتىل جەتكىز. جولداستارىڭ دا سىيلايتىن بولادى.

ادامنىڭ ءقادىرىن ءبىل. ەسكى دوستارىڭدى كوپ ەسىڭە ال. ولاردىڭ قانشاما رەت قولداۋ كورسەتكەندىگى جايىندا ەسكە ءتۇسىر.

ءوزىڭدى ماقتا. ءار تاڭدى ايناعا قاراپ كۇلىپ اتىرۋدان باستا.

ينيتسياتيۆا (باستاماشىل) تاستاعىش بول. سوندا سەنى مىندەتتى تۇردە ەستە ساقتايدى.

كەشىكپەيتىن بول. ءوزىڭدى كۇتتىرىپ قويما. تەك ەگەر ول وتە ادەمى بولسا عانا 5 مينۋتتان ارتىق كەشىگۋگە بولمايدى.

وزىڭە سەن. قالاي دۇرىس دەپ ەسەپتەسەڭ، سولاي ءجۇر.

كومەك بەرۋدەن قاشپا. العىسىن الاسىڭ.

شىنشىل بول. كەيىن اقتالۋ كەرەك بولاتىن ىستەن قاش. بارلىق ادامنىڭ كوڭىلىن تابامىن دەپ تىرىسپا، سەن بارىنە ۇنايتىن تەڭگە ەمەسسىڭ.

تاعدىرىڭا سەن. قالاعانىڭ بولادى. قيىنشىلىقتان شارشاما. ول قايتا كۇشەيتە تۇسەدى.

اسىعىس شەشىم قابىلداما. ادامدارعا تاعى دا ءبىر مۇمكىندىك بەر. ادامدارعا سەن. ولار دا ساعان قارىمىن قايتارادى.

ءسان ۇلگىسىن جاسا. ءوزىڭدى نىق سەزىنە الاتىنىندايىن تاڭداپ كي.

قايشىلىقتار مەن ۇرىس- كەرىستەردەن قاش. وتە ورتكە قاۋىپتى جاعدايدى قالجىڭعا ايلاندىرىپ جىبەر.

سىپايى بول. ءوز پىكىرىڭمەن بىرەۋدى بولەكتەمە. العاشقى قادامدى قورىقپاي اتتا. بايقاپ كور، ناتيجەسى بولادى.

 jas.kz