قورعاس حالىقارالىق شەكارالىق ىنتىماقتاستىق ورتالىعىندا جاڭا پوليتسيا ءبولىمى اشىلدى

تالدىقورعان. قازاقپارات - «قورعاس» حالىقارالىق شەكارالىق ىنتىماقتاستىق ورتالىعىندا پانفيلوۆ ا ءى ءى ب پوليتسيا ءبولىمىنىڭ جاڭا اكىمشىلىك عيماراتىنىڭ اشىلۋى ءوتتى.

الماتى وبلىستىق پوليتسيا باسشىسى مۇرات ءورىمحانوۆ «قورعاس» حالىقارالىق شەكارالىق ىنتىماقتاستىق ورتالىعىندا ورنالاسقان جاڭا پوليتسيا ءبولىمىنىڭ اكىمشىلىك عيماراتىنىڭ اشىلۋىنا قاتىستى.

جالپى اۋماعى ەكى مىڭ شارشى مەترگە جەتەتىن جاڭا عيماراتتا جەكە قۇرام جۇمىسى ءۇشىن بار جاعداي جاسالعان: كابينەتتەر قاجەتتى تەحنيكامەن جابدىقتالعان.

جەدەل باسقارۋ ورتالىعىنا بارلىق نىساندارعا باقىلاۋ كامەراسىن شىعاراتىن سەرۆەر ورنالاسقان. پيدجىم اۋىلدىق وكرۋگىنە قىزمەت كورسەتەتىن قورعاس پوليتسيا بولىمىنە 8 قىزمەتتىك كولىك ءبولىندى.

«مەملەكەت باسشىسى ن. نازاربايەۆ ايتقانداي، ەكى ەل اراسىنداعى ساۋدا- ەكونوميكالىق قاتىناستاردى دامىتا وتىرىپ، حالىقارالىق شەكارالىق ىنتىماقتاستىق ورتالىعى قازاقستان يگىلىگى ءۇشىن قىزمەت ەتۋى ءتيىس»، - دەدى م. ءورىمحانوۆ.

- ورتالىقتىڭ شەتەلدىك ازاماتتار كوپ بولاتىن ەركىن ەكونوميكالىق ايماق ەكەنىن ەسكەرە وتىرىپ، قولدانىستاعى زاڭ تالاپتارىن عانا ەمەس، كەلىسىم تالاپتارىن دا قاداعالاپ تۇرۋ كەرەك. ءوز مىندەتىن اتقارۋ كەزىندە پوليتسيا قىزمەتكەرى ءۇشىن اسا ماڭىزدى فاكتور بولىپ تابىلاتىن كاسىبي ەتيكانى دا قاتاڭ ساقتاۋى ءتيىس. شەكارا قىزمەتى مەن قۇقىق قورعاۋ ورگاندارىنىڭ ءوزارا قىزمەتى مەملەكەتىمىزدىڭ يگىلىگى ءۇشىن كەز كەلگەن قىلمىستا جەدەل ارەكەت جاساۋعا مۇمكىندىك بەرەدى»، - دەپ اتاپ ءوتتى م. ءورىمحانوۆ.