التىننان كويلەك كيگەن ءۇندىستاندىقتى تۋعان كۇن كەشىندە ءولتىرىپ كەتتى

استانا. قازاقپارات - نەسيە بەرۋ ارقىلى بايىعان، التىن بۇيىمدارعا جانى قۇمار ءۇندىستاندىق كاسىپكەر داتتا فۋگە كىسى قولىنان قازا تاپتى.

ونىڭ ولىمىنە قاتىستى دەگەن كۇدىكپەن ءتورت ادام ۇستالدى، دەپ حابارلادى bbc.com.

جەرگىلىكتى پوليتسيانىڭ مالىمەتى بويىنشا، كۇدىكتىلەردىڭ ءبىرى فۋگە مەن ونىڭ 22 جاستاعى ۇلىن پۋنا تۋعان كۇن كەشىنە شاقىرعان.

فۋگە ءوز ۇلىمەن ايتىلعان جەرگە كەلگەندە، ولارعا 12 ادام تاس اتىپ، سۋىق قارۋ قولدانعان. كۇدىكتىلەر ۇلىن ولتىرمەي، اياۋشىلىق تانىتىپتى.

داتتا فۋگە ۇنەمى التىن اشەكەيلەر تاعىپ جۇرەتىنىمەن تانىمال. اسىرىسە، 2013 -جىلى 250 مىڭ دوللارعا التىننان جاسالعان جەيدە جاساتىپ كيىپ، الەمدىك ب ا ق- تا اتى شىققان.