قاراعاندىدا قارۋ ساتاتىن دۇكەندەر جابىلدى

قاراعاندى. قازاقپارات - قاراعاندىدا قارۋ ساتاتىن دۇكەندەرى جۇمىس ىستەمەيدى، دەپ حابارلادى «قازاقپارات» ح ا ا ءتىلشىسى.

قارۋ ساتاتىن ورىنداردىڭ ەسىكتەرىندە «جابىق»، «دۇكەن جۇمىس ىستەمەيدى» دەگەن جازۋلار تۇر. جابىلۋ سەبەپتەرى، قاي مەرزىمگە دەيىن ەكەنى كورسەتىلمەگەن.

وبلىستىق ءى ءى د باسپا ءسوز قىزمەتىنەن حابارلاعانداي، ءوڭىر پوليتسەيلەرى قىزمەتتىڭ كۇشەيتىلگەن رەجيمىنە كوشتى.

ەسكە سالا كەتەيىك، وسىعان دەيىن الماتىداعى اتىس تۋرالى اقپاراتتان كەيىن قالاداعى 15 قارۋ دۇكەنى ۋاقىتشا جابىلدى. استانادا دا وسى جاعداي ورىن الدى.

ەسكە سالا كەتەيىك، بۇگىن، 18- شىلدەدە، استانا ۋاقىتىمەن ساعات 12:20 الماتى قالاسىنىڭ اۋماعىندا تەرروريستىك قاۋىپتىلىكتىڭ «قىزىل» دەڭگەيى بەلگىلەندى.