كريشتيانۋ رونالدۋ: مەن مۇسىلماندارى سۇيەمىن

 استانا. قازاقپارات - الەمدىك فۋتبولدىڭ جارقىن جۇلدىزدارىنىڭ ءبىرى، اتى اڭىزعا اينالعان پورتۋگالدىق سپورتشى كريشتيانۋ رونالدۋ مۇسىلمانداردى جانە يسلام ءدىنىن جاقسى كورەتىنىن ءمالىم ەتتى.

«مەنىڭ بالالىق شاعىم قيىن بولدى. اعام ەكەۋمىز ءبىر توسەكتى ءبولىسىپ ۇيىقتادىق. ويىنشىق ساتىپ الاتىن اقشا بولمادى. وزگە قاتارلاستارىم سياقتى وقۋعا جاياۋ باردىم، كەدەيلىك سالدارىنان ساباقتان قالىپ قويعان كەزدەرىم كوپ» دەپ وتكەنىن ەسكە الادى رونالدۋ.

«مەن دوپ ويناپ، وسى ارقىلى باسىما تۇسكەن قيىنشىلىقتاردى ۇمىتقىم كەلەتىن. دوپتان بار اشۋىمدى الاتىنمىن. مەن قازىر اشتىق ازابىن تارتقان افريكالىق بالالاردى كورگەندە ولارعا اتاق- داڭق ءۇشىن كومەكتەسپەيمىن. مەن ول بالالاردىڭ باسىنان وتكەرگەن نارسەنى ءوز باسىمنان كەشىپ ءوتتىم. ال پالەستينالىق بالالار مەنىڭ اتىمدى ايتىپ، جىلاعانىن كورگەن كەزدە مەن ءوزىمدى ۇستاي المايمىن. تاعى دا ايتامىن، ساداقانى اتاق- ابىروي ءۇشىن جاسامايمىن. مەنىمەن جاقىن ارالاساتىن ادامدار قانداي ەكەنىمدى بىلەدى. مەن مۇسىلماندارى جاقسى كورەمىن، سەبەبى ولاردىڭ ءومىرى ساعان نە نارسەنىڭ قادىرلى نەمەسە زياندى ەكەنىنە وي جۇگىرتۋگە شاقىرادى. مەن مۇسىلمانداردى سۇيەمىن، سەبەبى ولاردىڭ ءومىرى عاجاپ جانە بارلىق نارسەنى ايقىنداپ العان، ناداندىق پەن تارتىپسىزدىككە جول بەرمەيدى. مەن يسلام تۋرالى كوپ وقىدىم، قازىرگى ب ا ق بەتتەرىندە ايتىلىپ، كورسەتىلىپ جۇرگەن دۇنيەلەردىڭ بارلىعى جالعان، اداسۋشىلىق» دەدى ك. رونالدۋ.

ەسكە سالساق، رونالدۋ 2016 -جىلدىڭ ناۋرىز ايىندا يوردانيانىڭ باتىس جاعالاۋىندا يزرايل باسقىنشىلارىنىڭ شابۋىلىنا ۇشىراعان 5 جاسار بالاقايمەن ارنايى كەزدەسكەن بولاتىن. رونالدۋ اركەز مۇسىلماندارعا قۇرمەتپەن قاراپ، يسلامداعى قاسيەتتى مەرەكەلەردە مۇسىلمان قاۋىمىنا ءوز قۇتتىقتاۋ تىلەگىن جىبەرەدى. بەلگىلى ءبىر ۇيىمداردىڭ قولىمەن جاسالعان تەراكتىلەردى ءبۇتىن ءبىر دىنگە جابۋعا كۇش سالۋ كوبىرەك بايقالاتىن ۋاقىتتا ول بۇل ارەكەتتەردىڭ شىنايى يسلام ءدىنى مەن بەيبىتسۇيگىش مۇسىلمانداردان تىس ەكەنىن ايتادى.

Ummet.kz