يۋنەسكو تىزىمىنە باتىس تيان-شان سىلەمدەرى دە ەندى

استانا. قازاقپارات - باتىس تيان-شان تاۋ جۇيەسى يۋنەسكو-نىڭ دۇنيەجۇزىلىك مۇرا تىزىمىنە قوسىلدى.

ۇيىمنىڭ رەسمي سايتىندا حابارلانعانداي، ستامبۋلدا 10-17- شىلدە ارالىعىندا وتكەن دۇنيەجۇزىلىك مۇرا كوميتەتىنىڭ وتىرىسىندا دۇنيەجۇزىلىك مۇرا تىزىمىنە جاڭادان جەتى نىسان، ونىڭ ىشىندە باتىس تيان-شان تاۋ جۇيەسى قوسىلعان - دەپ جازادى centralasian.org.

باتىس تيان-شان سىلەمدەرى قازاقستان، قىرعىزستان جانە وزبەكستان تەرريتورياسىندا ورنالاسقان. تىزىمگە كانادا، قىتاي، يران، مەكسيكا، سۋدان مەن چاد ۇسىنعان نىساندار دا ەنگىزىلگەن.

باتىس تيان-شان - الەمدەگى ەڭ ءىرى جەتى تاۋ جۇيەلەرىنىڭ ءبىرى تيان-شاننىڭ ءبىر بولىگى سانالادى. باتىس تيان-شاننىڭ كەيبىر بولىكتەرىنىڭ بيىكتىگى 700 مەتردەن 4 مىڭ 503 مەترگە دەيىن جەتەدى.

باتىس تيان-شاننىڭ قازاقستانعا تيەسىلى اۋماعىندا قاراتاۋ قورىعى، اقسۋ-جاباعىلى قورىعى مەن سايرام-وگەم ۇلتتىق پاركى بار.