ق ر س ءى م نيسسادا قازا تاپقان قازاقستاندىقتاردىڭ دەنەسىن ەلگە جەتكىزۋگە جاردەم بەرەدى

استانا. قازاقپارات - ق ر س ءى م نيسسادا قازا تاپقان قازاقستاندىقتاردىڭ دەنەسىن ەلگە جەتكىزۋگە جاردەم بەرەدى.

بۇل تۋرالى بۇگىن «قازاقپارات» تىلشىسىنە ق ر سىرتقى ىستەر مينيسترلىگىنىڭ باسپا ءسوز حاتشىسى انۋار جايناقوۆ ءمالىم ەتتى.

ونىڭ ايتۋىنا قاراعاندا، قازاقستاندىقتاردىڭ مۇردەلەرىن فرانسيادان قازاقستانعا جەتكىزۋ مەرزىمى ازىرگە بەلگىسىز.

«ءبىز نيسسادا كوز جۇمعان قازاقستاندىقتاردىڭ دەنەلەرىن ەلگە جەتكىزۋگە قول ۇشىن بەرەتىن بولامىز. ول قاشان بولاتىنى تۋرالى اقپارات جوق»، - دەدى ول.

ەسكە سالا كەتسەك، 14 -شىلدە كۇنى نيسسادا بولعان لاڭكەستىك ارەكەتتەن قازاقستان ازاماتتارى: پانچەنكو ليۋبوۆ (1956)، پانچەنكو مارينا (1983)، پانچەنكو سيلۆيا (2013) مەن وتتو ناتاليا (1959) قۇربان بولعان. قازىرگى ۋاقىتتا ق ر س ءى م ولاردىڭ تۋعان- تۋىستارىمەن بارلىق قاجەتتى شارالاردى جاساپ جاتىر.

 اۆتور: جاسۇلان جولدىبايەۆ