تايۆان بانكوماتىنان ميلليوندار جىمقىرعان شەتەلدىكتەر ۇستالدى

استانا. قازاقپارات - اقشا «First Bank» بانكىنىڭ بانكوماتىنان الىنعان.

تايۆان پوليتسياسى ءبىرقاتار بانك ماشينالارىنىڭ كومپيۋتەرلىك جۇيەسىن بۇزىپ، ەكى ميلليون ا ق ش دوللارىن ۇرلادى دەپ كۇدىككە ىلىنگەن 16 شەتەلدىكتىڭ ۇشەۋىن ۇستاعانىن حابارلادى، دەپ جازادى bbc اگەنتتىگى.

حاكەرلىك باعدارلاما كومەگىمەن ۇرىلار اتالعان بانكتىڭ 10 بانكوماتىنان 80 ميلليون تايۆان دوللارىن (2 ميلليون ا ق ش دوللارى) العان.

جەرگىلىكتى رەستوراندا ۇستالعان كۇدىكتىلەردىڭ ءبىرى لاتۆيا ازاماتى بولىپ شىقتى.

ونىڭ ەكى رۋمىنيالىق سىبايلاسى قوناق ۇيدە ۇستالدى.

پوليتسيا كۇدىكتىلەردەن ۇرلانعان اقشانىڭ جارتىسىنان استامىن تاپقانىن حابارلادى. جانە قالعان كۇدىكتىلەر - رەسەيدىڭ ەكى ازاماتى جانە باسقالارى تايۆاننان كەتىپ ۇلگەرگەنىن مالىمدەدى.

ولاردىڭ بانكوماتتىڭ باعدارلامالىق قامتاماسىز ەتۋ جۇيەسىنە قالاي ەنگەنى ازىرگە بەلگىسىز.