قوستانايدا جولدىڭ استىنان التىن تابىلدى
ونىڭ استىنان التىن قورى تابىلدى، - دەپ حابارلايدى BNews.kz.
بۇل تۋرالى ءجىتىقارانىڭ توقتاروۆ اۋىلىنداعى كوشپەلى قوعامدىق قابىلداۋ كەزىندە بەلگىلى بولدى.
دالىرەك ايتساق، توقتاروۆ اۋىلدىق وكرۋگىندە ەڭ وزەكتى ماسەلەلەردىڭ ءبىرى جولدىڭ جاعدايى بولاتىن. شەنەۋنىكتەر قازىر «وريون مينەرالس» ج ش س باسشىلىعىمەن كەلىسسوزدەر جۇرگىزىپ جاتىر ەكەن. كاسىپورىن ءجىتىقارا - توقتاروۆ -كولومەنكا باعىتىنداعى جولداردى كۇتىپ ۇستاۋدى موينىنا العان. ءجىتىقارادان قامىستى اۋدانىنا دەيىنگى جولدىڭ ءجيى قولدانىلاتىن بولىگىنىڭ استىندا مامانداردىڭ بولجاۋىنشا التىن جاتىر.
كەن ءوندىرۋشى كومپانيا مۇندا التىن شىعارۋ جۇمىستارىن جۇرگىزۋدى جوسپارلاپ وتىر، قازىردىڭ وزىندە جول بەس جىلعا جابىلاتىنى بەلگىلى بولدى. بۇل كەي اۋىلداردىڭ تۇرمىسىن ودان سايىن قيىنداتىپ جىبەرمەك، ولار ەندى قالاعا اينالما جولمەن بارۋعا ءماجبۇر. ەسەسىنە «وريون مينەرالس» ج ش س جۇمىستار اياقتالعان سوڭ جولدىڭ قامىستى جەلىسىن قايتا قالپىنا كەلتىرۋگە ۋادە بەردى، ناتيجەسىندە اۋداندا جوندەۋدى قاجەت ەتىپ وتىرعان ءبىر جولدىڭ ورنىنا ەكى جول پايدالانۋعا بەرىلەدى.
