تۇركياداعى ناتو بازاسى بۇعاۋلانىپ، ەلەكتر قۋاتىنان اجىراتىلدى

استانا. قازاقپارات - تۇركياداعى يندجيرليك اسكەري بازاسى بۇعاۋلانىپ، ەلەكتر قۋاتىنان اجىراتىلدى، دەپ حابارلاعان تۇركياداعى ا ق ش ەلشىلىگىنىڭ سايتىندا.

بۇل بازانى ا ق ش اسكەرى باسقارادى جانە ول بازاعا ناتو اسكەرى ورنالاستىرىلعان. ناتو اسكەرى كوبىنە «يسلام مەملەكەتى» دەپ اتالاتىن لاڭكەستىك ۇيىمنىڭ سودىرلارىنا شابۋىل جاسايدى.

ەستەرىڭىزگە سالا كەتەيىك، 15- شىلدەدەن 16- شىلدەگە قاراعان ءتۇنى تۇركيا رەسپۋبليكاسىندا اسكەري توڭكەرىس جاساۋ ارەكەتى ورىن العان. وقيعا سالدارىنان 104 بۇلىكشى قازا تاپتى. بۇدان وزگە، 90 ادام، سونىڭ ىشىندە 47 بەيبىت تۇرعىن كوز جۇمدى.

اۆتور: كەنجەكەي توقتامۇرات قىزى