فرانسيا سىرتقى ىستەر مينيسترلىگى نيسساداعى لاڭكەستىكتەن ناقتى قانشا ادام جاپا شەككەنىن ءمالىم ەتتى

«14- شىلدە كۇنى كەشكە قاراي نيسسادا بولعان تەراكت سالدارىنان 303 ادام اۋرۋحاناعا تۇسكەن. ونىڭ 121 ءى ءالى دە ەمدەلىپ جاتىر. 30 ى - كىشكەنە بالالار، بارلىعى دا Lenval اۋرۋحاناسىندا جاتىر. 26 ادام ءالى دە جانساقتاۋ بولىمىندە. ونىڭ 5 ەۋى - بالا»، - دەلىنگەن حابارلامادا.

ەسكە سالا كەتەيىك، 14- شىلدە كۇنى كەشكە قاراي نيسسانىڭ اعىلشىن جاعالاۋىندا باستيليا قامالىنىڭ الىنۋى كۇنى مەرەكەسىنە وراي ۇيىمداستىرىلعان وتشاشۋدى تاماشالاۋعا جينالعان حالىقتى لاڭكەس جۇك كولىگىمەن تاپتاپ وتكەن. وقيعا سالدارىنان 84 ادام قازا تاپتى.