پاۆلودارلىق وقۋشى ماتەماتيكادان گونكونگتا وتكەن حالىقارالىق وليمپيادادان التىن مەدال جەڭىپ العان

پاۆلودار. قازاقپارات - پاۆلودار قالاسىنىڭ 296 جىلدىعىن تويلاۋ كەزىندە شاھار باسشىسى نۇرجان اشىمبەتوۆ ءوز قالاسىنىڭ ابىرويىن اسقاقتاتقانداردىڭ قاتارىندا ءامىر مۇحاممەد ءاليدى ەرەكشە اتادى.

ول گونكونگتا وتكەن ماتەماتيكا بويىنشا حالىقارالىق وليمپيادادان التىن مەدال جەڭىپ العان.

ءامىر دارىندى بالالارعا ارنالعان «جاس دارىن» ارنايى مەكتەبىنىڭ 9-سىنىبىندا وقيدى. ول ءار ءتۇرلى دەڭگەيدەگى وليمپيادالاردا بۇعان دەيىن دە الدەنەشە رەت جەڭىسكە جەتكەن. 8-سىنىپ وقىپ ءجۇرىپ 9-سىنىپتىڭ، 9-سىنىپ وقىپ ءجۇرىپ 10-11-سىنىپتاردىڭ باعدارلاماسى بويىنشا سىنعا تۇسكەن.

باپكەرى ارىستان تەكەنوۆ ءامىردىڭ ەڭبەك پەن تالانتىنىڭ ارقاسىندا جەڭىسكە جەتكەنىن ايتادى. ول ا ق ش، فرانسيا، قىتاي، رەسەي سىندى ەلدەردەن كەلگەن مىقتى قارسىلاستارعا تاپ بولعان.

6 وقۋشىدان قۇرالعان قازاقستان قۇراماسى وليمپيادادا تاماشا جەتىستىككە قول جەتكىزدى. ءامىر العان «التىننان» باسقا ولار 3 كۇمىس، 1 قولا مەدالعا قول جەتكىزدى.