ءۇش تىلدە سويلەيتىن قالام
ءبىراق بۇل سويلەيتىن قالام ول كەزدە تەك ءبىر-اق ءتىلدى ەدى.
«زەرەك» العاشىندا تەك قازاقشا سويلەيتىن. ەندى جوبا اۆتورلارى زامان تالابىن ەسكەرىپ، «زەرەكتى» ءۇش تىلدە سويلەيتىن قالامعا اينالدىردى. دەمەك، «زەرەكتەي» دوسى بار بالدىرعان قازاق، ورىس جانە اعىلشىن تىلدەرىندە ءقارىپ تانىپ ءارى ويلاۋ كوكجيەگىن كەڭەيتە الادى. بۇل دەگەنىڭىز، «زەرەك» تەك بالانىڭ دوسى عانا ەمەس، ءتىپتى اتا- انانىڭ وزىنە قولعانات دەگەن ءسوز. ويتكەنى، «زەرەك» - بالدىرعانداردى وزدىگىنەن دامىتۋ جانە قازاق، ورىس، اعىلشىن تىلدەرىن ۇيرەتۋ ءۇشىن سۋرەتتى كىتاپشالاردى داۋىستاپ وقيتىن قۇرىلعى. بۇلدىرشىندەردىڭ وي- ءورىسىن دامىتۋ ماقساتىندا جاسالعان بۇل جۇيە - ارنايى ماماندار مەن پەداگوگتاردىڭ ۇزاق جىلعى ىزدەنىسىنىڭ جەمىسى. وسى كەرەمەت قالامدى جاساعان ونەرتاپقىشتاردىڭ ءبىرى - اقجايىق اۋدانىنداعى اباي اتىنداعى مەكتەپ- گيمنازيانىڭ 2004 -جىلعى تۇلەگى ابزال قادىربايەۆ. «زەرەكتى» جوبا اۆتورلارى كەلەر جىلى استانادا وتەتىن حالىقارالىق ەكسپو-2017 كورمەسىنە قاتىستىرماق نيەتتە.
سونىمەن، سويلەيتىن قالامنىڭ ەرەكشەلىگى نەدە؟ پايدالانۋ تۋرالى نۇسقاۋلىقتا كورسەتىلگەندەي، سويلەيتىن قالام - يننوۆاتسيالىق تەحنولوگيانىڭ ساپالى جانە قاۋىپسىز ەلەكتروندى ءونىم. ونىڭ اتقاراتىن قىزمەتى دە از ەمەس. 2-3, 4-5 جانە 6-7 جاستاعى بالالارعا ارنالعان دەربەس سۋرەتتى كىتاپشالاردى پايدالانا وتىرىپ، قالامدى وعان تيگىزۋ ارقىلى بالانىڭ ءوزىن قورشاعان ورتانى تانىپ- بىلۋىنە جول اشىلادى. وسىلايشا، «سيقىرلى» قالامساپ ءار بالانى ءۇش تىلدە بىردەي ەركىن، جاتىق سويلەۋگە، سوزدىك قورىن بايىتۋعا، وقۋعا، ەسەپتەر شىعارۋعا، تاقپاقتار جاتتاۋعا، ءان شىرقاۋعا باۋليدى.
سۋرەتتەردى پايدالانۋ ارقىلى دىبىس پەن اۋەنگە تولى ينتەراكتيۆتى ساباق الۋعا بولادى. سۋرەتتى كىتاپشالار مەن سويلەيتىن قالام - بالالاردى جان- جاقتى دامىتۋ ءۇشىن اتا- انالارعا تاپتىرماس كومەكشى. ونىڭ قۇندىلىعى - بالالار مەكتەپكە بارعانشا كوپ ءسوزدى، سويلەمدەردى، سانداردى جاتتاپ الىپ، سايراپ تۇرادى.
«بالاباقشادا بولسىن، ۇيدە بولسىن، سويلەيتىن قالام مەن سۋرەتتى كىتاپشالاردىڭ سابيگە بە- رەرى مول» دەپ پىكىر ءبىلدىرىپتى پەداگوگيكا عىلىمدارىنىڭ كانديداتى، پروفەسسور ءجانيا نۇرجان. سونداي-اق، سويلەيتىن قالامدى كومپيۋتەرگە USB ارقىلى قوسىپ، جادى كارتاسىنا ءان جازىپ، ونى مر3 كارتاسى ارقىلى تىڭداي دا الاسىز. جۇيەدەگى شاعىن كولەمدى SD كارتاسىن وزگەرتۋگە جانە وعان باعدارلاما جۇيەسىندەگى وقۋ ماتەريالدارىن ەنگىزۋگە، ءوز قالاۋىڭىز بويىنشا SD كارتاعا اۋەن ورناتۋعا بولادى. بۇعان قوسا «زەرەك» - ەكولوگيالىق تالاپقا ساي تازا ماتەريالداردان جاسالعان ناعىز قاۋىپسىز قالام!
اسەل امزە قىزى، جۋرناليست ورال
