دارىگەر عالىمدار الەمدەگى ەڭ سۇلۋ كەلبەتتى انىقتادى

استانا. قازاقپارات - لوندونداعى پلاستيكالىق حيرۋرگيا ورتالىعىنىڭ دارىگەرلەرى امەريكالىق اكتريسا ەمبەر حەردتىڭ بەتىن الەمدەگى ەڭ سۇلۋ دەپ تانىدى.

زەرتتەۋشىلەر كومپيۋتەرلىك كارتوگرافيا ادىسىنە سۇيەندى، دەپ حابارلادى lenta.ru.

«ءبىز كومپيۋتەرلىك كارتوگرافيانىڭ جاڭا ءادىسىن قۇراستىردىق. ول ادامنىڭ بەت-الپەتىنىڭ ۇيلەسىمدىلىگىن دۇرىس بولۋى ءۇشىن قانداي وزگەرىستەر ەنگىزۋ كەرەكتىگىن كورسەتەدى»، - دەدى ورتالىق باسشىسى دوكتور دجۋليان دە سيلۆا. تەحنولوگيا كومەگىمەن 30 جاستاعى حەرد بەتى يدەالدى دەپ ەسەپتەلەتىنمەن 91,85 پايىز سايكەس كەلەدى.

Daily Mail اقپاراتىنشا، ادىستەمەگە سۇيەنىپ حيرۋرگتار وزگە بەلگىلى تۇلعالاردىڭ بەتتەرىن دە يدەالدى دەپ تاپتى. ولاردىڭ ىشىندە كيم كارداشياننىڭ قاسى، اكتريسا سكارلەتت يوحانسوننىڭ كوزى، رياننانىڭ بەت ءپىشىنى، مودەل ەميلي راتاكوۆسكيدىڭ ەرنى مەن سۋپەرمودەل كەيت موسستىڭ ماڭدايى.