08:24, 16 - شىلدە 2016 | GMT +5
وسكەمەن تۇرعىندارىنا قالادا شۋىل دەڭگەيى جوعارىلايتىندىعى ەسكەرتىلدى
وسكەمەن. قازاقپارات - وسكەمەن جىلۋ ەلەكتر ورتالىعى (ج ە و) ماماندارى №2 جاڭا تۋربواگرەگات(بۋ قۇبىرلارى) بۋ قىسىمىمەن تازالاناتىندىقتان 16 -شىلدەدە قالادا شۋىل دەڭگەيى جوعارى بولاتىندىعىن ەسكەرتتى.
ەنەرگەتيكتەر ستانسادا وسكەمەن ج ە و - سىندا قۋاتى 120 م ۆ ت جاڭا تۋربواگرەگاتتى ىسكە قوسار الدىنداعى تەكسەرۋ جۇمىستارى اياقتالىپ جاتقاندىعىن ءمالىم ەتتى، ول ىسكە قوسىلعاندا ستانسا جىلىنا قوسىمشا 800 ميلليون ك ۆ ت/س قۋات وندىرە باستايدى.
جاڭادان قوسىلعان بۋ قۇبىرلارىن قىسىمدى بۋمەن تازارتۋ مىندەتتى تەحنولوگيالىق تالاپقا جاتادى. سوندىقتان ج ە و تۇرعىندارعا ۋاقىتشا قولايسىزدىقتار ءۇشىن تۇسىنىستىكپەن قاراۋدى سۇراپ وتىر. شۋىل دەڭگەيى اۋا رايىنا بايلانىستى، كۇن بۇلتتى بولسا تازارتۋ جۇمىستارىنىڭ دىبىسى قاتتىراق ەستىلەدى.
«وسكەمەن ج ە و وندىرىستىك ۇدەرىستى قاۋىپسىزدىك شارالارىنىڭ بارلىعىن جانە قازاقستان رەسپۋبليكاسىنىڭ زاڭنامالارىنىڭ تالاپتارىنا سايكەس جۇرگىزىلەدى»، - دەپ مالىمدەدى كومپانيا باسشىلىعى.
