اتى اڭىزعا اينالعان عارىشكەر توقتار اۋباكىروۆ قازاقستاننىڭ اسكەري ۇشقىشتارىمەن كەزدەستى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اسكەري- اۋە كۇشتەرىنىڭ جاس بۋىن وفيتسەرلەرى ءۇشىن بۇل ەڭبەك سىڭىرگەن سىناقشى ۇشقىش ءارى عارىشكەردەن وزىندىك ءبىر شەبەرلىك سىنىبى بولدى. ولار عارىشكەردىڭ ءوز اۋزىنان ونىڭ ءومىربايانى مەن كاسىبي قىزمەتى تۋرالى تانىسۋعا مۇمكىندىك الدى. كەزدەسۋگە توقتار اۋباكىروۆتىڭ اسكەري ءومىرىنىڭ كۋاگەرلەرى دە قاتىستى. ودان باسقا، ءىس- شاراعا حالىق باتىرى توقتار اۋباكىروۆتى مىسال رەتىندە كورسەتە وتىرىپ، قازاقستاندىق ۇشقىش تۇلعاسىن قالىپتاستىرۋ تۋرالى باياندامامەن ءسوز سويلەگەن قازاقستاندىق عارىشكەر اۆياتسيا گەنەرال- مايورى ايدىن ايىمبەتوۆ قاتىستى.
توقتار اۋباكىروۆ تىڭداۋشىلارمەن ءوزىنىڭ ەستەلىكتەرى، جەكە تاجىريبەسىمەن ءبولىسىپ، ءتىپتى، ءوزىنىڭ تابىسقا جەتۋىنىڭ باستى قۇپياسىن اشتى. «وزىڭە باتىر بولۋدى مىندەتتەمە. ول ەشقاشان جۇزەگە اسپايدى. ءار كۇن سايىن ءوز- وزىنە مىندەت قويىپ، مەن باتىر بولۋعا دايىنمىن با؟»، - دەگەن ساۋال قويعان ابزال. ءسىزدىڭ تابىسقا جەتۋىڭىز اسكەري عىلىمدى قانشالىقتى جاقسى دەڭگەيدە وقىپ- ۇيرەنگەنىڭىزگە تىكەلەي بايلانىستى ەكەنىن ناقتى تۇسىنگەن ءجون. تەحنيكا مەن اەروديناميكانىڭ قىر-سىرىن بىلمەسەڭ، دارىندىلىعىن ەش كومەكتەسپەيدى. كۇن سايىنعى ەڭبەك پەن ءبىلىم قۋۋ قۇمارلىعى - ساتتىلىككە اپارار بىردەن- ءبىر جول»، - دەدى ول.
ءىس- شاراعا قاتىسۋشىلار اسكەري ۇشقىش، عارىشكەر جانە قازاقستاننىڭ حالىق باتىرىنىڭ دارا جولى قالاي باستالعانىن ق ر ق ك ۇلتتىق اسكەري-پاتريوتتىق ورتالىعى مۇراجايىنىڭ زالدارىنىڭ بىرىندە ۇيىمداستىرىلعان فوتوكورمەنىڭ ارقاسىندا ەسكە ءتۇسىرىپ، ءبىلدى. 27 -شىلدەدە گەنەرال-مايور توقتار اۋباكىروۆ 70 جاسقا تولاتىنىن ايتا كەتكەن ءجون.
