قازاقستاندا «سارى» تەرروريستىك قاۋىپتىلىك دەڭگەيىنىڭ مەرزىمى ۇزارتىلدى
استانا. قازاقپارات - قازاقستان رەسپۋبليكاسى انتيتەررور ورتالىعى 2016 -جىلعى 16 -شىلدەدەن ەلىمىزدىڭ بارلىق اۋماعىندا ءبىرقالىپتى («سارى») تەرروريستىك قاۋىپتىلىك دەڭگەيىنىڭ ارەكەت ەتۋ مەرزىمى 30 تاۋلىككە سوزىلاتىنى جونىندە حاباردار ەتەدى.
«شەشىمدى ۇلتتىق قاۋىپسىزدىك كوميتەتىنىڭ ءتوراعاسى قازاقستان رەسپۋبليكاسى پرەزيدەنتىنىڭ 2013 -جىلعى 9 -تامىزداعى № 611 «تەرروريزم اكتىسى قاتەرىنىڭ تۋىنداۋى تۋرالى اقپارات مونيتورينگىنىڭ جانە حالىقتى حاباردار ەتۋدىڭ مەملەكەتتىك جۇيەسىنىڭ ۇيىمداستىرىلۋى مەن جۇمىس ىستەۋى قاعيدالارىن بەكىتۋ تۋرالى» جارلىعى تالاپتارىنا سايكەس قابىلدادى، دەلىنگەن حابارلامادا.
