سولتۇستىك قازاقستاندا مامونت سۇيەكتەرى تابىلدى
سۇيەكتەردى تايىنشا اۋدانىنا قاراستى زەلەنىي گاي اۋىلىنىڭ تۇرعىنى ءانۋار قابىلجاپاروۆ مال باعىپ ءجۇرىپ بايقاپ قالعان. جانۋاردىڭ قالدىقتارى جەر بەتىنە شىعىپ قالعانىمەن، جاقسى ساقتالىپتى.
«بۇل سوڭعى مامونتتاردىڭ ءبىرى»، - دەيدى ماماندار. وسىدان 10 مىڭ جىل بۇرىن ءومىر سۇرگەن دەگەن بولجام بار. جالپى ارحەولوگتار بولسا، ەرتە كەزدە بۇل جانۋارلاردىڭ سولتۇستىكتى مەكەندەگەن بولجامىن راستاپ وتىر. ال تابىلعان ەجەلگى زامان ءپىلىنىڭ سۇيەكتەرى بولسا، وبلىستىق تاريحي-ولكەتانۋ مۇراجايىنا قۇندى جادىگەر رەتىندە تابىستالدى.
«10 مەتردەن تابىلعان سۇيەكتەر مامونتتىڭ ومىرتقاسى، قابىرعالارى، ازۋ جانە جىلىگى ەكەنىن انىقتادىق. وزدەرىڭىز كورىپ تۇرعانداي، سۇيەكتەر قاتتى سوققان جەل مەن سۋدىڭ سالدارىنان ازداپ مۇجىلە باستاپتى»، - دەيدى وبلىستىق تاريحي ولكەتانۋ مۇراجايىنىڭ تابيعات ءبولىمىنىڭ مەڭگەرۋشىسى ليۋدميلا فەلك.
