07:46, 15 - شىلدە 2016 | GMT +5
ب ا ءا استاناسىنا مىڭداعان بەينەباقىلاۋ كامەراسى ورناتىلاتىن بولادى
ءابۋ-دابي. قازاقپارات - ءابۋ-دابي بيلىگى قالالىق بەينەباقىلاۋدىڭ جاڭا Falcon eye (سۇڭقار كوزى) جۇيەسىن ەنگىزىپ جاتىر.

ول امىرلىك استاناسىنىڭ باسىم بولىگىن باقىلاي الادى.
Falcon eye جۇيەسى ب ا ءا ەلورداسىنىڭ نەگىزگى اۋداندارىن، سونىڭ ىشىندە ياس، ءابۋ- دابي حالىقارالىق اۋەجايىن جانە مۋسسافا اۋدانىن قامتيدى.
باسقارۋ ورتالىعىنان جولداردى باقىلاۋعا بولادى. جۇيە جولدا ءجۇرۋ ەرەجەلەرىنىڭ بۇزىلۋىن: وزۋ ءۇشىن جول جيەگىن پايدالانعانىن، زاڭسىز كولىگىن قويىپ كەتكەنىن، سونىمەن قاتار بەلگىلەنبەگەن جەردە جينالۋىن انىقتايدى.
امىرلىك پوليتسياسىنىڭ باسشىسى گەنەرال-مايور موحاممەد حالفان ال رومايتي Falcon eye جۇيەسى «ءابۋ-ءدابيدىڭ قاۋىپسىز قوعام قۇرۋ بويىنشا ستراتەگياسىنىڭ بولشەگى ەكەنىن» ايتتى.