ق ر پرەمەر-ءمينيسترى: بايان ولگەيدەگى سەلدەن زارداپ شەككەندەرگە قارجىلاي كومەك كورسەتەمىز - كەسكىن
ەستەرىڭىزگە سالساق، ق ر پرەمەر- ءمينيسترى 15 -شىلدە كۇنى ۇلان-باتىر قالاسىندا وتەتىن XI اسەم سامميتىنە قاتىسۋ ءۇشىن موڭعولياعا بارعان بولاتىن.
ايتار بولساق، ولگەي قالاسى ورنالاسقان وبلىس حالقىنىڭ باسىم بولىگىن قازاق دياسپوراسى قۇرايتىنىن اتاپ وتكەن ءجون. مۇندا بارلىعى 90 مىڭ ادام تۇرسا، ونىڭ %88,7 بولىگىن قازاقتار قۇرايدى.
جەرگىلىكتى تۇرعىنداردىڭ ايتۋىنشا، موڭعوليا باسشىلىعى دياسپورا ماسەلەلەرىنە ەرەكشە كوڭىل بولەدى.
بۇگىنگى تاڭدا وبلىستا 43 ورتا مەكتەپ بار، وندا 1-4 -سىنىپتار ارالىعىندا وقۋشىلار قازاق تىلىندە، ال 5-11 -سىنىپتار ارالىعىندا موڭعول تىلىندە وقىتىلادى.
سونىمەن قاتار قالادا قازاق تىلىندەگى «جاڭا ءومىر» گازەتى جارىق كورەدى.
كارىم ءماسىموۆ قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ تاپسىرماسىمەن ۇكىمەت ولگەي قالاسىنداعى سەلدەن زارداپ شەككەن وتباسىلارعا قارجىلاي كومەك كورسەتەتىنىن اتاپ ءوتتى.
پرەمەر- مينيستر جاقىن كۇندەرى كورسەتىلەتىن قولداۋ قانداستارىمىزعا تابيعي اپات سالدارىن جويۋعا جاردەمدەسەدى دەگەن ءۇمىتىن ءبىلدىردى.
ەسكە سالايىق، موڭعوليانىڭ ولگەي قالاسىندا 10 -شىلدە كۇنى سەل ءجۇرىپ، سالدارىنان تۇرعىن ۇيلەر قيراپ، سۋ استىندا قالدى.
