07:59, 14 - شىلدە 2016 | GMT +5
قونجىق كولىكتىڭ ىشىنە كىرىپ شىعا الماي قالدى - كەسكىن
استانا. قازاقپارات - ا ق ش- تىڭ گولدەن قالاسىندا (كولورادو شتاتى) پوليتسيا قىزمەتكەرلەرى تۇرعىنداردىڭ ءبىرىنىڭ كولىگىنە كىرىپ سىرتقا شىعا الماي قالعان قونجىقتى بوساتىپ جىبەردى، دەپ حابارلايدى Mashable.
جىرتقىشتىڭ بالاسىنىڭ ماشيناعا قالاي كىرىپ كەتكەنى بەلگىسىز. كولىكتىڭ ءىشىنىڭ قيراعانىنا قاراپ قونجىقتىڭ شىعا الماي جاتقانىنا ءبىرشاما ۋاقىت وتكەنىن اڭعارۋعا بولادى.
پوليتسيا كومەكشىسى جۇك سالعىشتىڭ ەسىگىن اشىپ جىبەرگەن، سول كەزدە ونىڭ جانىنداعى سەرىگى مىلتىق ۇستاپ ساقتاندىرىپ تۇردى. تازا اۋاعا شىققان قونجىق الدى ارتىنا قاراماي ورمانعا زىتتى.
