يليندى ماسقارالاعان ۆلاديمير سەدوۆتىڭ ءوزى دوپينگ داۋىنا ىلىكتى

استانا. قازاقپارات - وسىعان دەيىن دوپينگ قولدانعانى ءۇشىن يليا يليندى حالىقتىڭ الدىندا ايىپتاپ كەلگەن ۆلاديمير سەدوۆتىڭ ءوزى دوپينگ قولدانعان بولىپ شىقتى.

بۇل تۋرالى وتاندىق ب ا ق- قا سىلتەمە جاساعان NUR. KZ حابارلايدى.

سەدوۆتىڭ 2008-جىلعى بەيجىڭ وليمپياداسىندا تاپسىرعان دوپينگ-سىناماسى وڭ ناتيجە كورسەتىپ، ونىڭ ستانوزولول قابىلداعانى انىقتالدى. بۇل «ا» سىناماسىنىڭ ناتيجەسى. «ب» سىناماسىنىڭ قورىتىندىسى كەلەسى اپتادا بەلگىلى بولادى.

ەسكە سالا كەتەيىك، ۆلاديمير سەدوۆ بەيجىڭ وليمپياداسىندا 4- ورىن العان ەدى.

وسىلايشا، سەدوۆ سپورتتىق مانسابىندا ەكىنشى رەت دوپينگ داۋىنا ۇشىرادى. بۇدان بۇرىن ول 2006-جىلدان 2008-جىلعا دەيىن دوپينگ قولدانعانى ءۇشىن سپورتتان شەتتەتىلگەن بولاتىن.

«بۇعان سەنۋ دە، سەنبەۋ دە ءوز ەركىڭىزدە. بۇدان بۇرىن دا مەن دوپينگ قابىلداماعانىمدى ايتقان بولاتىنمىن. مەن بۇل شەشىممەن كەلىسپەيمىن. ەشقاشان دوپينگ قولدانعان ەمەسپىن جانە ادىلەتتى تۇردە جەڭىسكە جەتىپ، جەڭىلىپ ءجۇرمىن»، - دەيدى سەدوۆ.