00:06, 14 - شىلدە 2016 | GMT +5
جاپونيا يمپەراتورى اكيحيتو تاقتان باس تارتپاق
استانا. قازاقپارات - جاپونيا يمپەراتورى اكيحيتو كوزىنىڭ تىرىسىندە ۇلى نارۋحيتوعا تاعىن بەرمەك.
بۇل تۋرالى اتالعانت ەلدىڭ «NHK» قوعامدىق تەلەارناسى حابارلادى.
مۇنداي اقپاراتتى يمپەراتور سارايىنىڭ ءىس جۇرگىزۋ باسقارماسىنان بىرنەشە اقپارات كوزى تاراتقان، دەپ جازدى «ت ا س س» اگەنتتىگى.
اكيحيتو 1933-جىلى 23- جەلتوقساندا دۇنيەگە كەلگەن. ول يمپەراتور حيروحيتونىڭ ۇلكەن ۇلى. اعىلشىن ءتىلىن جەتىك مەڭگەرگەن، تاريح، بيولوگيا جانە يحتيولوگيا سالاسىندا زەرتتەۋلەرمەن اينالىسقان. 25 عىلىمي جۇمىستىڭ اۆتورى، ۇلتتىق يحتيولوگيا قوعامداستىعىنىڭ مۇشەسى.
سوڭعى جىلدارى دەنساۋلىعىنىڭ ناشارلاۋىنا بايلانىستى اكيحيتو ءوزىنىڭ ءبىرقاتار قوعامدىق مىندەتتەرىنەن باس تارتىپ، ونى ۇلكەن ۇلى، تاق مۇراگەرى نارۋحيتوعا جۇكتەپ ءجۇر.
