تانىمال بايكەر دميتري پەترۋحين وليمپيادا سپورتشىلارىن قولداپ شەرۋ جاسادى - پاۆلودار

استانا. قازاقپارات - بۇگىن الەمگە تانىمال بايكەر دميتري پەترۋحين تاۋەلسىزدىكتىڭ 25 جىلدىعى مەن وليمپيادا جانە پاراليمپيادا سپورتشىلارىن قولداۋ ماقساتىندا پاۆلودار قالاسىندا شەرۋ جاسادى، دەپ حابارلايدى pavlodarnews.kz.
None
None

وڭىرلىك كوممۋنيكاتسيا قىزمەتىندە وتكەن بريفينگتە پاۆلودار وبلىسى اكىمىنىڭ ورىنباسارى مەيرام بەگەنتايەۆ سپورتشىلارعا ريو-دە-جانەيرودا وتەتىن بايراقتى باسەكەدە ساتتىلىك تىلەدى.

«بارشا قازاقستاننىڭ ءۇمىتىن ارقالاپ، دوداعا دايىندالىپ جۇرگەندەرگە تەك جەڭىس تىلەيمىن»، - دەدى مەيرام بەگەنتايەۆ. ءوز كەزەگىندە موتوبايكەر دميتري پەترۋحين پاۆلودارلىق جۇرتشىلىقپەن قاۋىشقانىنا ريزاشىلىعىن جەتكىزدى.

- بۇل اكسيا 6- شىلدە كۇنى الماتىدان باستالدى. كەشە سەمەي قالاسىندا بولدىم. بۇگىن پاۆلودار قالاسىندا شەرۋ جاساپ، كەشكىسىن ەكىباستۇزعا جول جۇرەمىن. كيەلى قالادا بىرنەشە كۇن جۇرۋگە دە بولاتىن ەدى، الايدا ماعان 5- تامىزعا دەيىن ۇلگەرۋ قاجەت. سەبەبى، سول كۇنى بارلىق حالىق تەلەديداردىڭ الدىنا وتىرىپ، سپورتشىلارعا قولداۋ كورسەتۋ كەرەك. قازاقستان بار الەمگە ءوزىنىڭ مىقتىلىعىن دالەلدەي ءبىلۋ كەرەك. تەك قانا العا! - دەپ ءسوزىن اياقتادى دميتري پەترۋحين.

كەزدەسۋ بارىسىندا مەيرام بەگەنتايەۆ بايكەرگە ەستەلىك كىتاپتارىن سىيعا تارتتى.

سوڭعى جاڭالىقتار