قاراعاندىدا قالالىق ساياباقتا تەرروريزم اكتى تۋرالى جالعان حابار بەرگەن جەتكىنشەكتى ۇستادى

قاراعاندى. قازاقپارات - قاراعاندىدا جاسوسپىرىم ورتالىق مادەنيەت جانە دەمالىس ساياباعىن «مينالادى». بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

«13- شىلدەدە شامامەن ساعات 12.00 دە 112 تەلەفونىنا بەلگىسىز بىرەۋ حابارلاسىپ، قاراعاندى قالاسىنىڭ ورتالىق ساياباعى اۋدانىندا تەررورلىق اكت دايىندالىپ جاتقانىن حابارلاعان. اقپارات تەكسەرىلىپ، راستالمادى. پوليتسيا قىزمەتكەرلەرى جالعان حابار بەرگەن ادامدى انىقتاپ، ۇستادى. ول كامەلەت جاسقا تولماعان بولىپ شىقتى»، - دەلىنگەن حابارلامادا.

وقيعانىڭ ءمان-جايى انىقتالىپ جاتىر.

اتالعان فاكت ق ر ق ك 273-بابى بويىنشا سوتقا دەيىنگى تەرگەۋدىڭ ءبىرىڭعاي ەەسترىنە تىركەلدى. تەرگەۋ امالدارى جۇرگىزىلىپ جاتىر.