15:45, 13 - شىلدە 2016 | GMT +5
شىلىڭگىر شىلدەدە قار جاۋدى
استانا. قازاقپارات - ياكۋتيانىڭ سەبيان-كيۋەل ەلدى مەكەنىندە قار جاۋدى، سارسەنبى كۇنى جاۋعان قار توقتار ەمەس، دەپ حابارلايدى Ykt.ru.
«ونسىز دا ءبىزدىڭ جازىمىز قىپ-قىسقا، قوڭىر سالقىن. ادەتتە بۇل ۋاقىتتا 15-20 گرادۋس جىلى بوپ تۇراتىن. اركەز شومىلاتىن مۇمكىندىك بولمايتىن. ال بيىل تابيعات ءتىپتى تاڭ قالدىردى»، - دەگەن ۋچاسكەلىك اۋرۋحانا پاتسيەنتتەرى.
تىندا قالاسىندا دا سول جاعداي. سارسەنبى كۇنى تاڭعى ۋاقىتتا امۋر وبلىسىنىڭ سولتۇستىك استاناسى 4 گرادۋس جىلۋدى كورسەتكەن. كەيبىر تۇرعىنداردىڭ اۆتوكولىكتەرىنە مۇز قاتقان.
«تاڭ. ساعات التى. جازدىڭ كۇنى قارمەن ويناۋعا بولادى! نە دەگەن سۋىق ەدى! مەنىڭ قۇلپىنايىم مۇز قۇرسانىپ تۇر»، - دەپ جازدى الەۋمەتتىك جەلىگە تىندا قالاسىنىڭ تۇرعىنى.
