فرانسيا پرەزيدەنتىنىڭ شاشتارازى مينيسترلەرمەن بىردەي جالاقى الادى

استانا. قازاقپارات - فرانسيا پرەزيدەنتى فرانسۋا وللاندتىڭ جەكە شاشتارازى ەل مينيسترلەرىمەن بىردەي جالاقى الادى.

بۇل تۋرالى lenta.ru حابارلايدى.

وليۆە ب. اي سايىن 9895 ەۆرونى قالتاعا باسادى. ال ۇكىمەت مۇشەلەرىنىڭ ايلىعى 9940 ەۆرو بولسا، مەملەكەت باسشىسى 14999 ەۆرو الادى.

مىندەتتەمەگە سايكەس، شاشتاراز مەملەكەت باسشىسىنا كەز كەلگەن ساتتە قىزمەت كورسەتىپ، ءىس ساپارلاردا ونىمەن بىرگە ءجۇرۋى كەرەك.

وليۆەنىڭ كەلىسىم-شارتى 2012-جىلدىڭ مامىر ايىندا ەليسەي سارايىنىڭ كەڭسە باسشىسىنىڭ قاتىسۋىمەن بەكىتىلىپ، 5 جىلعا جاسالعان. وسى ۋاقىت ىشىندە شاشتاراز 593700 ەۆرو تابىس تاپقان. جالاقىدان بولەك، ول ءومىر سۇرۋگە قوسىمشا جاردەماقى الادى. سونداي-اق، ونىڭ وتباسى ءۇشىن ارنايى جەڭىلدىكتەر دە قاراستىرىلعان.